Ոստիկանության պետական պահպանության գլխավոր վարչության(ՊՊԳՎ) նախկին պետը կալանավորվել է: Այս մասին տեղեկացրին Հակակոռուպցիոն կոմիտեից:
Այս կերպ Երևանի ընդհանուր իրավասության դատարանը բավարարել է քննիչի կողմից երեկ ներկայացված կալանքի միջնորդությունը:
Վարդան Մինասյանը ձերբակալվել էր դեկտեմբերի 2-ին, ՀՀ հակակոռուպցիոն կոմիտեի քննիչի կողմից:
Հիշեցնենք, որ ոստիկանության բարձրաստիճան պաշտոնյան մեղադրվում է ենթակա ստորաբաժանման ղեկավարի հետ առանձնապես խոշոր չափի յուրացում կազմակերպելու և փողերի լվացման մեջ։
Մինասյանը ենթակա ստորաբաժանումների պետերից հավաքագրել է գումար, հանձնարարել այլ անձանց միջոցով փողը մուտք անել բանկերում իր անվամբ բացված հաշվեհամարներին՝ նման կերպ փորձելով խեղաթյուրել դրանց ծագումը:
Վարդան Մինասյանի բանկային հաշիվներին մուտք է եղել 1,6 միլիոն դոլար և 9400 եվրո:
.gif)
