Ադրբեջանի արտաքին գործերի նախարարությունը հայտարարություն է տարածել: Նրանք նշում են, որ սեպտեմբերի 19-ին հայկական զինված ուժերն իրականացրել են մի շարք լայնածավալ ռազմական սադրանքներ և ահաբեկչական հարձակումներ։
«Այսպես, հայկական հետախուզադիվերսիոն ստորաբաժանումների կողմից Ախմադբեյլի-Ֆուզուլի-Շուշա ավտոճանապարհին ահաբեկիչների թիրախների համար նախապես տեղադրված ականների պայթյունի հետևանքով զոհվել և վիրավորվել են քաղաքացիական անձինք և զինվորականներ։ Բացի այդ, մեր բանակի ստորաբաժանումները կրակել են ականանետերից և տարբեր տեսակի զինատեսակներից։ Արդյունքում, վիրավորվել է ադրբեջանական բանակի երկու զինծառայող»․ – նշված է հաղորդագրության մեջ։
Ադրբեջանական կողմը պնդում է, որ ոչ մի կերպ չի թիրախավորել խաղաղ բնակիչներին, և անում է ամեն բան, որ հայ խաղաղ բնակչությունը հեռու մնա ռազմական թիրախներից: Սակայն հայկական լրատվամիջոցների հայտնած տվյալներով, ինտենսիվ կրակոցների թիրախում հայտնվում են նաև բնակիչները:
«Ադրբեջանի հանրապետությունը պնդում է, որ անելու են ամեն բան, որպեսզի հայկական կողմի սադրանքներին վերջ տրվի և տարածաշրջանում խաղաղության և կայունության հասնելու միակ ճանապարհը հայկական զինված ուժերի անվերապահորեն և ամբողջական դուրսբերումն է Ղարաբաղի շրջանից»,- ասված է հաղորդագրության մեջ:
Օֆելյա Հովհաննիսյան
.gif)
