Քանի արցախցի է ստացել ՀՀ քաղաքացիություն

Հայաստանի Հանրապետության քաղաքացիություն ստանալու համար դիմել է Լեռնային Ղարաբաղից բռնի տեղահանված 6338 անձ: Այս պահի դրությամբ մոտ 4400 մարդու քաղաքացիություն է տրվել։ ԱԺ-ում Լեռնային Ղարաբաղից բռնի տեղահանված անձանց  խնդիրներին առնչվող քննարկման ժամանակ այս մասին հայտնեց ՀՀ ներքին գործերի նախարարի տեղակալ Արմեն Ղազարյանը։

Նրա խոսքով՝ այս դեպքում չեն հաշվարկվում անչափահասները, որովհետև ծնողների քաղաքացիության ձեռքբերումից հետո նրանք օրենքի ուժով այդ քաղաքացիությունը ձեռք են բերում զուտ անձնագրավորման ճանապարհով և անհրաժեշտ չէ հավելյալ քաղաքացիություն ձեռք բերելու գործընթաց անցնել։