ՏԵՍԱՆՅՈՒԹ․ Անհետ կորած զինվորների ծնողները ձեզ են փնտրում. ձեզ են մեղադրում ԴՆԹ-ների շիլաշփոթի մեջ. Արսեն Թորոսյանը՝ մեղադրանքների մասին

ArmLur.am-ը զրուցել է ԱԺ ՔՊ խմբակցության պատգամավոր Արսեն Թորոսյանի հետ՝ անհետ կորոծ զինծառայողների ծնողների պահանջների և սխալ ԴՆԹ թեստերի արձանագրված դեպքերի մասին։

Հիշեցնենք, որ «Ժողովուրդ» օրաթերթը գրել էր, որ անհետ կորածների ծնողները Արսեն Թորոսյանին և Մհեր Բիշարյանին կանչել են ԱԺ՝ խաբելու համար պատասխան տալու։

Մասնավորապես օրաթերթը գրել էր․ «Անհետ կորած զինվորների ծնողները երեկ ԱԺ-ում կայացած հանդիպման ժամանակ պահանջել են, որ խորհրդարան ներկայանա Արսեն Թորոսյանը, ով եղել է առողջապահության նախարարը, և Մհեր Բիշարյանը, ով առողջապահության նախարարության դատաբժշկական գիտագործնական կենտրոնի տնօրենն է եղել:

«Ժողովուրդ» օրաթերթի՝ ԱԺ-ին մոտ կանգնած աղբյուրները փոխանցում են, որ դռնփակ նիստի ընթացքում ծնողները պահանջել են, որ ՔՊ-ական, այսօր առողջապահության հարցերի հանձնաժողովի նախագահ Արսեն Թորոսյանը ներկայանա Մհեր Բիշարյանի հետ և պատասխանի իրենց հարցերին, թե ինչու է շիլաշփոթ ստեղծվել զինվորների դիակների հարցում, ինչպես է ստացվել, որ զինվորի դիահերձմամբ 3 ձեռքի համընկնում է եղել, և պաշտոնյաներն ասել են՝ եկե՛ք տարեք ձեր երեխային հուղարկավորեք: Բայց 3 ձեռք «ունեցող» դիակը ծնողն ինչպե՞ս ընդունի իր որդի և հուղարկավորի:

Անդրանիկ Քոչայանն էլ չի կանչել Արսեն Թորոսյանին ծնողների մոտ՝ բացատրություններ պահանջելու:

«Ժողովուրդ» օրաթերթը տեղեկացավ նաև, որ ՀՀ քննչական կոմիտեի ղեկավար Արթուր Պողոսյանը նույնպես չի կարողացել անհետ կորած զինվորների հարազատների հարցերին պատասխանել, նորություններ հայտնել, ինչը էլի զայրացրել է նրանց:

Դիակների ԴՆԹ հետազոտության ողջ խնդիրը ծնողներն Արսեն Թորոսյանից են պահանջել, պարզապես Արթուր Պողոսյանը հայտնվել է թիրախում՝ իր անտեղյակությամբ և անպատրաստվածությամբ. սակայն օբյեկտիվորեն նա ասելու շատ բան էլ չունի:

Ի դեպ, ԱԺ պատգամավոր, զոհվածի հայր Գեղամ Նազարյանը, երբ ծնողներին առաջարկել է իրականության աչքերին նայել և ողջերի մեջ չփնտրել իրենց երեխաներին, իր այս խոսքերով հունից հանել է ծնողներին, ովքեր ինչպես դահլիճում, այնպես էլ ներսում քաշքշել են Նազարյանին՝ պահանջելով անցյալով չխոսել իրենց երեխաների մասին:

Կարճ ասած՝ Անդրանիկ Քոչարյանի կազմակերպածը հերթական շոուն էր, որն էլի խաղացել է ծնողների հույզերի հետ՝ նրանց հարցերին որևէ լուծում չտալով:

Օրվա վերջում ծողները հայհոյում էին նաև Անդրանիկ Քոչարյանին՝ իրենց խաբելու համար»:

Քնար Մանուկյան 

Մանրամասները՝ տեսանյութում․