ՀԱՐՑ. Հետաքրքիր է իմանալ, թե հեռուստամարաթոն 2011-ի շրջանակներում Արցախի համար կազմակերպված դրամահավաքին ինչո՞ւ ավելի քիչ գումար հավաքվեց, քան նախորդ տարիներին:
ՊԱՏԱՍԽԱՆ. Գումարը քիչ չի հավաքվել, հակառակը, շատ է հավաքվել: Վերջին տարիներին այնպես է ստացվել, որ հեռուստամարաթոնը կարելի է բաժանել 2 մասի, այսինքն` սփյուռքի մասնակցությամբ եւ Ռուսաստանի Դաշնության: Ռուսաստանի Դաշնության կողմից դեռեւս չի հավաքագրվել, բայց հավաքագրումը դեռ ընթանում է: Հետեւաբար սա է պատճառը, որ մարդիկ այդպես են մտածում, թե այս տարի քիչ է հավաքվել: Մենք մանրամասնորեն հետեւում, գրանցում ենք, եւ պետք է հաստատ ասեմ, որ այս տարին ավելի հաջող է եղել: Մասնակցել են նաեւ մեծ քանակությամբ երիտասարդներ, որն ինքնին շատ հաճելի եւ խոստումնալից զարգացում է: Բավականին շատ անհատ ու մանր ձեռներեցներ են մասնակցել դրամահավաքին, որը նույնպես շատ ողջունելի է, քանի որ այս պահի դրությամբ նման մարդկանց մասնակցությունը եւ նրանց թվի շատացումը խոսում է սփյուռքահայերի ավելի լայն շրջանակների ընդգրկման մասին, որը եւս շատ դրական է: Ռուսաստանի կողմից դրամահավաքի արդյունքները քիչ, թե շատ պարզ կլինեն դեկտեմբերի վերջերին:
«ԺՈՂՈՎՈՒՐԴ». Տարօրինակ է, որ ԼՂՀ նախագահի մամլո խոսնակը ե՛ւ հաստատում է, որ դրամահավաքը դեռ շարունակվելու է, եւ չգիտես որտեղից վստահություն հայտնում, թե ավելի շատ գումար է հավաքվելու, քան նախորդ տարի: Դավիթ Բաբայանի լավատեսությունը, իհարկե, գովելի է, բայց հետաքրքիր է նաեւ, թե որտեղից է գալիս այն, եւ արդյոք ինչ-որ մարդկանց կողմից խոշոր նվիրատվությունների խոստումներ են եղել, որոնց հասարակությունը դեռեւս տեղյակ չէ:
.gif)
