Մարտունիում փողոցաշինական աշխատանքների ընթացքում, ըստ բնակիչների ու բնապահպանների, արմատախիլ է արվել շուրջ 400 ծառ՝ առաջացնելով հանրային դժգոհություն և բնապահպանական մտահոգություն։
Ահազանգողները պնդում են, որ սկզբում խոստացվել էր ծառերի տեղափոխում ու վերատնկում, սակայն մեծ մասը վնասվել կամ անհետացել է, իսկ աշխատանքները շարունակվել են նաև հանրային լսումներից ու ավագանու որոշումից առաջ։
Տեսչական մարմինը նշում է, որ հատվել է 11 ոչ կենսունակ ծառ, իսկ մոտ 393-ը նախատեսվել է տեղափոխել ու վերատնկել, հիմնվելով համայնքապետարանի տվյալների վրա։ Սակայն բնակիչները կասկածում են այդ տվյալների իրականությանը՝ նշելով, որ գործընթացը իրականացվել է առանց պատշաճ վերահսկողության։
Շրջակա միջավայրի նախարարությունը հայտարարում է, որ համայնքային տարածքներում ուղղակի լիազորություններ չունի, իսկ ոստիկանությունում պաշտոնական հաղորդում չի ստացվել։
Բնակիչների ու ՀԿ-ների պնդմամբ՝ ծառերը հատվել են ճանապարհաշինության և ենթակառուցվածքների պատճառաբանությամբ, բայց գործընթացը ուղեկցվել է թափանցիկության պակասով և անորոշությամբ՝ ինչի հետևանքով համայնքը կորցրել է զգալի կանաչ տարածքներ։
Մանրամասները՝ տեսանյութում
Իրիանա Ատանյան
.gif)
