Ռուսաստանի նախագահ Վլադիմիր Պուտինը Ուկրաինայի դեմ Ռուսաստանի պատերազմը համեմատել է վայրի բնության մեջ կենդանիների վարքագծի հետ՝ մանկավարժներին ասելով, որ երեխաներին պետք է սովորեցնել գիշատիչների և սննդային շղթայի մասին՝ հասկանալու համար, թե «ինչպիսի աշխարհում ենք ապրում» և ինչու է Ռուսաստանը պատերազմում։
Պուտինը այս մասին հայտարարել է օգոստոսի 29-ին Մոսկվայի պետական մանկավարժական համալսարանում։ Խոսելով Հյուսիսային բևեռում սպիտակ արջերի և օրկաների մասին՝ նա պնդել է, թե օրկաները խմբերով հարձակվում և ուտում են սպիտակ արջերին, ապա այդ օրինակը կապել է Ուկրաինայի դեմ Ռուսաստանի ռազմական գործողության հետ։
Սակայն կենդանիների վերաբերյալ Պուտինի պնդումը չի հաստատվում գիտական դիտարկումներով․ օրկաների կողմից սպիտակ արջերի որսի և ուտելու փաստագրված դեպքեր հայտնի չեն։
Նույն հանդիպման ընթացքում Պուտինը նաև պատմել է հյուսիսային որոշ համայնքների մասին՝ պնդելով, թե տարեց մարդկանց, որոնք այլևս չէին կարողանում խմբի հետ տեղաշարժվել, թողնում էին գայլերի համար։
Ռուսաստանը Ուկրաինայի դեմ լայնածավալ պատերազմը սկսել է 2022 թվականի փետրվարին՝ այն պաշտոնապես անվանելով «հատուկ ռազմական գործողություն»։ Վերջին տարիներին պատերազմին աջակցող թեմաները ավելի մեծ տեղ են զբաղեցնում նաև Ռուսաստանի կրթական համակարգում։
.gif)
