Եթե կառավարության ծրագիրը չի կատարվում, ո՞վ պետք է պատասխանատվության ենթարկվի

ԱԺԴ կուսակցության ղեկավար Արշակ Սադոյանը կարծում է, որ կառավարության ծրագիրն իրականացնելիս պետք է պատասխանատվության մասին մտածել:

Սադոյանը կարծում է, որ եթե կառավարության ծրագիրը չի կատարվում, պետք է չկատարողներին պատասխանատվության ենթարկել, ավելին` կառավարության ծրագիրը պետք է որևէ կուսակցության նախընտրական ծրագրի հետ առնչություն ունենա:

«Անգամ Տիգրան Սարգսյանին չեն մեղադրում կառավարության ծրագրի չկատարման համար, ավելին` շնորհակալություն են հայտնում նրան: Լուրջ մեղքեր կան Տիգրան Սարգսյանի  կառավարության և նրա նախարարների օրոք»,- հիշեցնում է բանախոսը:

Սադոյանի կարծիքով՝ կառավարության նոր ծրագիրը նախորդից էականորեն չի տարբերվելու: «Եթե անգամ լինեն տարբերություններ, դրանք կլինեն ձևական ու շատ չնչին»,-կարծում է  Սադոյանը:

Բանախոսը համոզված է`Հովիկ Աբրահամյանի և Տիգրան Սարգսյանի գործելաոճերի միջև կլինեն  տարբերություններ, քանի որ նրանք տարբեր մարդիկ են՝ իրենց նախասիրություններով:

Կառավարության կազմի  մասին խոսելիս  էլ Սադոյանն ասաց, որ  Հովիկ Աբրահամյանի նախասիրությունները դրսևորվել են կառավարության կազմում փոփոխություններ անելիս:

Սոնա Դավթյան