«Մեր խորհրդանիշը՝ Արարատը, թաքցրել են ինչ-որ կենդանիների հետեւում»:

Մասիսն իսկապես Հայաստանի խորհրդանիշերից է, բայց պետք է անկեղծ լինենք ու ասենք, որ լեռան մեծությունը երբեք թույլ չի տա այն որեւէ կերպ թաքցնել որեւէ տեղում: Ինչ վերաբերում է հայրենի զինանշանի կենդանիներին, ապա դրանք լրացնում ու նոր իմաստ են տալիս խորհրդանիշին: Արծիվն ազատությունն է խորհրդանշում, առյուծը՝ մեր ժողովրդի ուժն ու հզորությունը: Այս առումով հաստատ չարժե ինչ-որ կենդանիների մասին խոսել, հատկապես որ մեր գերբի վրա առկա են հայկական այն չորս հզոր արքայատոհմերի զինանշանները, որոնք նույնպես ժամանակին իրենց ուժն ու հզորությունն են ներդրել ազատության համար պայքարում եւ երկրի զարգացման հարցում: