Թուրքիան, որը մի քանի օր առաջ ետ կանչեց երկու երկրներից իր դեսպաններին Հայոց ցեղասպանությունը ճանաչելու համար, ինչպես երևում է, այդքան էլ չի շտապում համանման արձագանք տալ Ռուսաստանին ու Ֆրանսիային, գրում է թուրքական «Հյուրիեթը»:
Վատիկանում Թուրքիայի դեսպանն ապրիլի 12-ին խորհրդակցությունների համար հետ է կանչվել Անկարա այն բանից հետո, երբ Հռոմի պապ Ֆրանցիսկոսն իր ելույթում 1915-ի դեպքերը որակեց որպես ցեղասպանություն:
Ավստրիան ևս Անկարայի նույն անձագանքը ստացավ, երբ ապրիլի 22-ին երկրի խորհրդարանը Հայոց ցեղասպանությունը ճանաչելու մասին բանաձև ընդունեց:
Չնայած սրան Թուրքիան հենց սկզբից էլ խուսափեց Ռուսաստանի ու Ֆրանսիայի նախագահներին կոշտ արձագանք տալուց:
Ավելին, Թուրքիայի էներգետիկայի նախարար Թաներ Յըլդըզը Անկարայում ապրիլի 23-ին կայացած ընդունելության ժամանակ լրագրողներին հայտնել է, որ նրան զարմացրել է Պուտինի հայտարարությունը, սակայն դա «չի ազդի Ռուսաստանի հետ համատեղ նախագծերի շուրջ տարվող բանակցությունների վրա»:
.gif)
