Կարծես «ավանդույթ» է դարձել, որ ՀՀԿ-ի կազմակերպած միջոցառումներն ավարտվում են հրդեհով: Կիրակի օրը՝ Էրեբունի-Երեւանի տոնակատարությունների ավարտին՝ հրավառության ժամանակ, հրդեհ էր բռնկվել Հանրապետության հրապարակում գտնվող «Արմենիա-Մարիոթ» հյուրանոցի եւ ՀՀ տրանսպորտի ու կապի նախարարության շենքերի կտուրին: Բարեբախտաբար, զոհեր ու վիրավորներ չկան: Փաստորեն, կրակը ՀՀԿ-ին հետապնդում է ամեն քայլափոխի. մայիսի 4-ին ՀՀԿ նախընտրական համերգ-հանրահավաքի ժամանակ պայթեցին ու այրվեցին ՀՀԿ-ի փուչիկները, ավելի քան 150 հոգի վիրավորվեց, հետո երկու անգամ հրդեհվեց ՀՀԿ կենտրոնական գրասենյակի տանիքը, ապա՝ ՀՀԿ-ական Ռուբեն Հայրապետյանի «Հարսնաքար» ռեստորանը: Ի դեպ, Երեւանի 2794-ամյակի միջոցառումների համար քաղաքապետարանը, չնայած երկրում տիրող սոցիալ-տնտեսական ծանր վիճակին, համայնքային բյուջեից 90 մլն դրամ՝ 223 հազար դոլար է հատկացրել (չհաշված հովանավորների փոխանցած գումարները): Իսկ շատ մտավորականներ բոյկոտեցին միջոցառումը:
.gif)
