«Ես անհասանելի եմ, այո՛, անհասանելի եմ: Աշխատում եմ՝ ինչքան հնարավոր ա, անհասանելի ըլնել: Ինչի՞ եք զարմանում»:

Հայ ժողովրդին տնտեսապես ազատություն շնորհելու դժվարին գործառույթն իր վրա վերցրած Արտակ Շաբոյանը հպարտորեն հայտարարում է, որ անհասանելի է: Ավելին, նույնիսկ գլուխ է գովում, որ այդ ուղղությամբ մշտապես աշխատում է: Հետաքրքիր է՝ ումից է փախչում այս պաշտոնյան: Եթե իսկապես աշխատում է բացառապես ազնիվ մղումներով, ապա ինչո՞ւ է անհասանելիության տիրույթում: Սա նշանակում է, որ ՀՀ վարչապետ Տիգրան Սարգսյանն է նրան հրահանգում «անկախության կարգավիճակով» բացահայտումներ անել անհրաժեշտության դեպքում, իսկ երբ վտանգ է սպառնում, «թռնել»: