Ադրբեջանում երկու զինվոր է ինքնասպան եղել

Ադրբեջանական բանակի երկու զինծառայող ինքնասպանություն են գործել: Այս մասին հայտնում է «Ազադլըգ» թերթը:

Համաձայն թերթի տեղեկությունների՝ Թովուզի շրջանի զորամասերից մեկում ինքնասպանություն է գործել  Տապդըգով ազգանունով զինվորը: Նշվում է, որ նրան ինքնասպանության են հասցրել համածառայակիցները: Այլ մանրամասներ չեն հաղորդվում:

Երկրորդ սպանությունը տեղի է ունեցել Գեդաբեյի շրջանում: Այստեղ զինվորը կախաղան է բարձրացել: Որպես ինքնասպանության պատճառ նշվում է նրա հանդեպ կիրառված բռնությունը:

Ադրբեջանի ՊՆ-ն, սակայն, այս տեղեկությունները չի հաստատել: