«Որեւէ միջադեպ Հայաստանի նախագահի թիկնազորի կամ նախագահին սպասարկող ավտոմեքենաների հետ տեղի չի ունեցել»:

Ինչ խոսք, մամուլի խոսնակների պարտականությունների մեջ է մտնում իրենց ղեկավարի մասին արված հրապարակումներին արձագանքելը, բայց համաձայնե՛ք՝ ոչ բոլոր դեպքերում է դա անհրաժեշտ: Ի վերջո, «Ժողովուրդ»-ը լուրը հրապարակել է՝ ոչ թե իր աղբյուրներին հղում անելով, այլ ՀՀ ՊՊԾ պետի հետ ճշտելուց հետո: Եւ սա այն եզակի դեպքերից է, որ առավել հավատընծա են հենց ՊՊԾ պետ Հրաչյա Հարությունյանի, այլ ոչ թե Ա. Արզումանյանի խոսքերը: Իհարկե, լավ բան չէ, որ մեկը հանդգնում է երկրի նախագահին սպասարկող ավտոմեքենայի վրա կրակել, բայց փաստն ավելի զորավոր է, քան դատարկ հավաստիացումը: