ՃՏՊ Երևան-Մեղրի ավտոճանապարհին. տուժածը հոսպիտալացվել է

Հուլիսի 17-ին, ժամը 10.27-ին ահազանգ է ստացվել, որ Երասխ-Արենի ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, որ Երևան-Մեղրի ավտոճանապարհի 81-րդ կմ-ում «Օպել վեկտրա» մակնիշի 34LZ897 պետհամարանիշով ավտոմեքենան (վարորդ՝ Ա. Շ., ծնվ. 1930թ.) դուրս է եկել ճանապարհի երթևեկելի հատվածից և հայտնվել ձորի եզրին:
Հրշեջ-փրկարարները Ա.Շ.-ին մոտեցրել են շտապօգնության ավտոմեքենային, հոսանքազրկել են ավտոմեքենան, փակել գազի բալոնի փականը և տեղափոխել այն ավտոքարշակի վրա:

Տուժածը տարբեր աստիճանի վնասվածքներով հոսպիտալացվել է Արարատի բժշկական կենտրոն. բժիշկները տուժածի առողջական վիճակը գնհատել են միջին կայուն: