Armlur.am-ը բազմիցս անդրադարձել է «Արմավիրի» ԲԿ-ում տեղի ունեցող իրադարձություններին, աշխատողների աշխատավարձերից պահումներին և այլն: Մեզ դիմած աշխատողները նաև պատմել էին, որ բժշկական կենտրոնի նախկին տնօրեն Նշան Գևորգյանը դատի է տվել կենտրոնին և պահանջել իր աշխատավարձը, քանի որ իրեն անհիմն են աշխատանքից հեռացրել: Մեզ հաջողվեց նաև ճշտել, որ Նշան Գևորգայնին աշխատանքից ազատելու հրաման է տվել Արմավիրի մարզպետ Աշոտ Ղահրամանյանը:
Բժշկական կենտրոնի աշխատակիցները վրդովված են, որ իրենց աշխատավարձերից պահումներ են կատարում՝ Նշան Գևորգյանի աշխատավարձը վճարելու համար: Armlur.am-ը կապ հաստատեց մարզպետի հետ, սակայն վերջինս հրաժարվեց բանավոր հարցերի պատասխանել: Գրավոր հարցում ուղարկեցինք մարզպետարան` խնդրելով պարզաբանել ստեղծված իրավիճակը:
Մեզ ուղարկված պատասխանում նշված էր, որ աշխատակիցների աշխատավարձերի հետ կապված հարցերը քննարկվում են բժշկական կենտրոնում և արդյունքների մասին լրացուցիչ կտեղեկացնեն:
Իսկ բժշկական կենտրոնի նախկին տնօրեն Նշան Գևորգյանին աշխատանքից ազատելու վերաբերյալ՝ մազպետարանի պատասխանում ըստ էության ոչինչ չկար: «Տեղեկացնում ենք, որ բժշկական կենտրոնում տեղի ունեցող քննարկումները կապ չունեն նախկին տնօրեն Նշան Գևորգյանի հետ»,- ասված էր պատասխանում:
Այսքանից հետո, մնում է սպասել բժշկական կենտրոնում տեղի ունեցող իրադարձությունների զարգացումներին, որոնց մասին Armlur.am-ը հետևողական կներկայացնի:
.gif)
