Երեկ երեկոյան դժբախտ դեպք է տեղի ունեցել Արարատի մարզի Մասիս քաղաքում: Ժամը 21:30-ի սահմաններում քաղաքի 5-րդ փողոցի թիվ 6 տանը հրդեհ է բռնկվել: Մոտ մեկ ժամ անց միայն հրդեհը մարվել է:
Armlur.am-ին հայտնի դարձավ, որ ամբողջությամբ այրվել է Փայլակ Հարությունյանին պատկանող բնակարանը: Մասնավորապես, տան լոգասենյակը, մառանը, խոհանոցը, հյուրասենյակը՝ գույքով և տանիքի կառուցատարրերը (մոտ 70 քմ):
Ի դեպ, մեզ հասած տեղեկություններով` մի քանի օրից պետք է տեղի ունենար տան ավագ որդու հարսանեկան արարողությունը:
Armlur.am-ի հետ զրույցում Արարատի մարզպետ Ռուբիկ Աբրահամյանը հայտնեց, որ մարզպետարանը որոշակի աջակցություն կցուցաբերի փաստի առաջ կանգնած ընտանիքին: Նույն պատասխանը տվեց նաև Մասիսի քաղաքապետ Սաշա Հակոբյանը` հավելելով, որ նման դեպքերում` որպես կանոն, ընտանիքներին քաղաքապետարանն աջակցում է:
Մնում է սպասել` պատկան մարմինների խոստումների իրականացմանը:
.gif)
