![](https://armlur.am/wp-content/uploads/2015/10/4F6EDDDC-3938-4A58-8042-9B9236CA532E_cx10_cy6_cw89_mw1024_s_n_r1.jpg)
Միջին Ասիայում կարող է պատերազմ սկսվել, եթե Ղրղզստանը Ռուսաստանի օգնությամբ շարունակի անդրսահմանային գետերի վրա հիդրոէլեկտրակայանների կառուցումը: Այս մասին, ինչպես փոխանցում է «Gazeta.ru»-ն, նախազգուշացրել է Ուզբեկստանի նախագահ Իսլամ Կարիմովը:
Ընդ որում ընդգծվում է, որ ՀԷԿ-երի կառուցումը կարող է հանգեցնել Արալյան ծովի չորանալուն:
«Միջին Ասիայի հանրապետություններում ջրային ռեսուրսների վերահսկողությունը կարող է հանգեցնել լայնածավալ պատերազմի: Ղրղզստանի, Ղազախստանի, Ուզբեկստանի, Տաջիկստանի, Թուրքմենիայի տարածքներով հոսող գետենրի վրա էներգետիկ նախագծերը պետք է համաձայնեցնել»,- ընդգծում է Ուզբեկստանի նախագահի մամլո ծառայությունը:
Կարիմովը կարծում է, որ Կենտրոնական Ասիայում ջրաէներգետիկ խնդիրներն ապագայում «կարող են այնքան խորացնել իրավիճակը, որ հանգեցնեն ոչ միայն լուրջ հակամարտության, այլ անգամ պատերազմի»: