Ընդդիմությունը մեկը մյուսի դեմ չի գործում, միասնական ուղու վրա ենք լինելու. Արմեն Մարտիրոսյան

Սուտ է, որ ընդդիմությունը միասնական չի գործում։  «Չեք» անցկացնի նախաձեռնության հանրահավաքի ժամանակ այս մասին հայտարարեց «Ժառանգություն» կուսակցության փոխնախագահ Արմեն Մարտիրոսյանը։

«Եվ «Նոր Հայաստանը», և «Չեք անցկացնի»-ն համախմբված աշխատում են, անընդհատ կոնսուլտացիաների մեջ ենք, գործողությունները համադրում ենք։ Մենք նաեւ ընթանում ենք միասնական գործողություններ կատարելու ճանապարհով։ Մի փոքր կարող է կողքից դժվար թվալ, բայց ես մեծ հույս ունեմ, որ մենք միասնական ուղու վրա լինելու ենք: Մենք մեկս մյուսի դեմ չենք գործում։ Մենք շատ քիչ ենք մնացել որպես ընդդիմադիր եւ թույլ չենք կարող տալ մեզ առանձին գործելու շռայլությունը», – ընդգծեց նա։

Արմեն Մարտիրոսյանի խոսքով` իշխանությունը փորձեց պառակտել ընդդիմադիր քաղաքական ուժերին և ձևավորեց «Այո»-ի շտաբը։