Մարտի 13-ին առավոտյան Իրանից Ադրբեջանի տարածք ներթափանցելու փորձի ժամանակ 5 մարդ է սպանվել, փոխանցում է Contact.az-ը:
Դեպքը տեղի է ունեցել Ադրբեջանի Դաշքենդ Յարդըմլին գյուղի մերձակայքում:
Ադրբեջանի պետական սահմանային ծառայության մամուլի կենտրոնի հաղորդմամբ՝ գործել է ազդանշանային համակարգը, և Իրանի կողմից 8-10 հոգանոց խմբի տեղաշարժ է արձանագրվել:
Ներթափանցման փորձ կատարածները հրաժարվել են կատարել «կանգնել» հրամանը, և, անտեսելով նախնազգուշական կրակոցը, զինված հակազդեցություն են ցուցաբերել: Սահմանապահները ստիպված են եղել պատասխան կրակ բացել, ինչի արդյունքում 5 մարդ է սպանվել, ևս երկուսը ձերբակալվել են:
Իրավախախտներից մի քանիսին հաջողվել է ներթափանցել Ադրբեջանի տարածք: Շարունակվում են հետախուզական աշխատանքները:
Թարգմանիչ՝ Քրիստինե Պողոսյան
.gif)
