Եվրոպական հեռարձակողների միությունը կարող է որակազրկել Հայաստանին` ԼՂՀ դրոշը ծածանելու համար

Եվրոպական հեռարձակողների միությունը պաշտոնապես նախազգուշացրել է` ԼՂՀ դրոշը Հայաստանի պատվիրակ Իվետա Մուկուչյանի կողմից ծածանելու համար, գրում է eurovoix.com-ը։

Լրատվամիջոցի փոխանցմամբ, Եվրոպական հեռարձակողների միությունը նշել է, որ եթե ԼՂՀ դրոշը մրցույթի ընթացքում կրկին ծածանվի, հայաստանյան պատվիրակությունն իրեն կդնի այս և հետագա տարիներին մրցույթից որակազրկվելու վտանգի առջև: Հայաստանի նկատմամբ դրոշը ցուցադրելու համար պատժամիջոց կկիրառվի մինչև այս տարվա հունիսը: