Ադրբեջանի զինված ուժերի կողմից ապրիլի սկզբին Լեռնային Ղարաբաղի Հանրապետության դեմ սանձազերծած լայնածավալ ռազմական ագրեսիային հայկական ուժերի կողմից ջախջախիչ հակահարվածի արդյունքում ոչնչացված 40 ամյա ադրբեջանցի հատուկ ջոկատային, փոխգնդապետ Մուրադ Միրզաեւը ԱՄՆ-ում հատուկ նշանակության Ranger դասընթացն ավարտած միակ ադրբեջանցին էր: Այս մասին, ինչպես հաղորդում է «Արմենպրես»-ը, հայտնում է virtualaz.org լրատվականն կայքը:
Նշվում է, որ Թուրքիայի ցամաքային զորքերի բարձրագույն դպրոցի շրջանավար Մուրադ Միրզաեւը 1999 թվականի հուլիսից մինչեւ հոկտեմբեր ծառայել է Թուրքիայի ԶՈւ 4-րդ մոտոհրաձգային բրիգադում, որպես գումարտակի հրամանատար: 1999 թվականի հոկտեմբերից ծառայել է Ադրբեջանի ԶՈւ մոտոհրաձգային գումարտակի հրամանատար:
2000 թվականից մինչեւ 2016 թվականի ապրիլին ոչնչացվելու օրը եղել է Ադրբեջանի ՊՆ հատուկ նշանակության խմբի հրամանատարի տեղակալը, ապա` հրամանատարը: Ադրբեջանի հատուկ նշանակության խմբի հրամանատարին 2016 թվականի ապրիլի 25-ին ոչնչացրել են ԼՂՀ ՊԲ 18-20 ամյա զինծառայողները: Ադրբեջանական որոշ աղբյուրների տվյալներով` այդ օրերին ԼՂՀ ՊԲ երիտասարդ զինծառայողները ոչնչացրել են Ադրբեջանի ՊՆ մոտ հարյուր հատուկ ջոկատայինների: Չնայած դրան` Ադրբեջանի նախագահ Իլհամ Ալիեւը հատուկ նշանակության խմբի հրամանատար Մուրադ Միրզաեւին Ադրբեջանի ազգային հերոսի կոչում է շնորհել:
.gif)
