Քաղաքապետարանի երկրորդ մասնաշենքում անվտանգության միջոցառումներ են կատարվում. Սերժ Սարգսյանը ժամեր անց այցելելու է այնտեղ (ֆոտո)

ՀՀ նախագահ Սերժ Սարգսյանի թիկնազորի անդամներն այժմ գտնվում են Փավստոս Բուզանդի 1/3 հասցեում, որտեղ գտնվում է  ՀՀԿ Կենտրոնի գրասենյակը:

ArmLur.am-ի տեղեկություններով` այսօր ժամը 19:00-ին այդ շենք պետք է այցելի Սերժ Սարգսյանը, և ինչպես ընդունված է, նրա այցերից առաջ, այս անգամ ևս նրա թիկնազորի անդամները ժամեր առաջ տեղում են և անհրաժեշտ անվտանգության աշխատանքներն են կատարում: ArmLur.am-ի տեղեկություններով` Սերժ Սարգսյանի այցի նպատակը նոյեմբերի 26-ին կայանալիք ՀՀԿ 16-րդ համագումարի պատվիրակի մանդատ ստանալն է:

Ինչպես երևում է լուսանկարներից, նրա այցին պատրաստվում են մանրակրկտորեն, նույնիսկ մաքրում են ճանապարհները: