Արմավիրի մարզի Արտաշար գյուղում հինգերորդ դասարանի յոթ աշակերտ տեղափոխվել է հիվանդանոց: Այս մասին ArmLur.am-ի հետ զրույցում հայտնեց Արտաշարի համայնքապետ Մանվել Օհանյանը:
«Ուսուցիչը մտել է դասասենյակ, նկատել է, որ երեխաների ինքնազգացողությունը վատ է: Երեխաներին տեղափոխել են Մեծամորի Բժշկական կենտրոն, որտեղ գտնվում են բժիշկների հսկաողության տակ»,-պատմեց նա։
Մանվել Օհանյանի խոսքով՝ նախնական վարկածով աշխակերտները թունավորվել են գազի արտահոսքից, քանի որ դասարանը ջեռուցվում է գազի վառարանով:
Իսկ, Արտաշարի միջնակարգ դպրոցի տնօրեն Հասմիկ Սարպիոնյանն ArmLur.am-ի հետ զրույցում ասաց, որ աշակերտներին արդեն Մեծամորի Բժշկական կնետրոնից դուրս են գրել:
«Դասարանները տուրբո վառարաններով ենք տաքացնում: Երեխանները քաշքշում են վառարանը, որի արդյունքոմ էլ ծխատար խողովակը խախտվում է և չորրորդ ժամի առաջին 10 րոպեին երեխաներից մեկը վատանում է, և այդպես մի երեք-չորս երեխա»,- ընդգծեց դպրոցի տնօրենը:
Հասմիկ Սրապիոնյանի խոսքով` աշխակերտներն այս պահին հիվանդանոցից դուրս են գրվել: Նրանց վիճակը գնահատվում է բավարար:
Լիդա Եղիազարյան
.gif)
