Երբ այդ դեբիլությունը տեսնում ու լռում ես, նշանակում է` դու էլ այդ դեբիլների աջակիցն ես. Պարույր Հայրիկյանը դատարան է դիմելու

Ապրիլի 2-ին կայացած խորհրդարանական ընտրությունների արդյունքների և այլնի շուրջ ArmLur.am-ը զրուցել է ԱԻՄ ղեկավար Պարույր Հայրիկյանի հետ:

-Պարո′ն Հայրիկյան, ապրիլի 2-ին տեղի ունեցած խորհրդարանական ընտրությունների արդյունքներն ինչպե՞ս եք գնահատում:

-Սահմանադրությունը ասում է, որ խորհրդարանը ներկայացուցչական մարմին է և պետք է ձևավորվի համամասնական ընտրակարգով: Այսինքն ` ներկայացուցչական և համամասնությունը ներկայացնող ներկայացուցչական պետք է լինեն: Այդպիսի դեպքում ես դատարան եմ դիմելու արդեն. 5 տոկոս արգելանքի նշումը հակասում է Սահամադրության համամասնական և ներկայացուցչական բնույթին: Այսինքն` ով 5 տոկոսից պակաս, է նա չպե՞տք է ներկայացնի ժողովրդին: Չէ՞ որ տեսականորեն հնարավոր է, որ 10 կուսակցություն ունենա 4, 9 և երկուսը ունենա 5, 1 տասնորդական տոկոս: Ուրեմն, այդ երկուսը պետք է ներկայացնեին ամբո՞ղջ պառլամենտը, խայտառակություն է սա, դեբիլության գագաթ:

Դրա համար մասնագետ պետք չէ լինել, ցանկացած քաղաքացի կարող է հասկանալ, որ հակասահմանադրական օրենք է: Ինչևէ, մեր ճիգերն արդյունք չունեցանք, և մենք ունեցանք ինչ-որ պայմանականությունների, պայմանավորվածությունների հետ կապված քվեարկություններ:

-Դուք նշեցիք, որ դատարան եք պատրաստվում դիմել: Կմանրամասնեք, թե ի՞նչ հիմնավորումներ եք ներկայացնելու:

-Ցանկացած քաղաքացի իրավունք ունի դիմել Սահմանադրական դատարան որևէ որոշման հակասահմանադրականության վերաբերյալ: Մինչև Սահմանադրական դատարան հասնելը, դիմում ես ընթացիկ դատարան: Ես այս հիմնավորումներով պետք է դիմեմ, իրենք այլընտրանքային տարբերակի քննարկումից խուսափեցին, հիմա դա հասցրեցինք Եվրոպական դատարան: Պետք է աշխատենք, երբ այդ դեբիլությունը տեսնում ու լռում ես, նշանակում է` դու էլ այդ դեբիլների աջակիցն ու դաշնակիցն ես:

-Դատարան դիմելով ի՞նչ եք կարծում` որևէ արդյունքի կհասնե՞ք:

-Արդյունքը եթե ինձ հետաքրքրեր… ես 20 տարեկանում եմ որոշել, որ իմ պարտքը պետք է կատարեմ. ինչ կլինի` կլինի, հետո հասկացա, որ իմ պարտքը կատարեմ, Աստված կտեսնի, կգնահատի և ընթացք կտա, ինչը եղավ անցած հանրաքվեի ճանապարհով ռազմավարության դեպքում, մնացած դեպքերում տեսնենք արդյունքը: Որևէ առողջ երկրում արդյունքն անկասկած կլիներ, բայց Հայաստանը, գիտեք, ինչպիսի երկիր է:

-Պարո′ն Հայրիկյան, խորհրդարանական ընտրությունների օրը լրացավ նաև ապրիլյան քառօրյա պատերազմի մեկ տարին: Ի՞նչ դասեր ենք մենք քաղել այս ժամանակահատվածում:

-Բացարձակապես ոչ մի դաս չենք քաղել: Բարեբախտաբար, մի քանի մանր ռազմատեխնիկական նորամուծություններ կատարեցին. ճակատում գիշերատես սարքեր….

Բայց ռազմավարական տեսանկյունից ոչինչ արված չէ: Ճամարտակեցին ազգ-բանակ սկզբունքից, բայց դեռ պահեստազոր չունենք: Հասկանո՞ւմ եք` սա ինչ ստորություն է: Մենք ոչինչ չենք արել, այստեղ հեծանիվ հայտնագործելու անհրաժեշտություն չկա: Պետություններ կան գործում են, սրանք ապուշ-ապուշ ճամարտակում են և հետո գնում հանգիստ քնելու և փող վաստակելու:

Արփինե Թովմասյան