Կոռուպցիայի կանխարգելման հանձնաժողովը հայտարարագրերի մասին

Հաշվի առնելով պաշտոնատար անձանց հարցումները և հանրության մի հատվածի մտահոգությունները՝ Հանձնաժողովը տեղեկացնում է, որ ՀՀ Կառավարության կողմից 2020 թվականի հունվարի 30-ի 102-Ն որոշմամբ հաստատվել են հայտարարատու պաշտոնատար անձանց և նրանց ընտանիքի անդամների կողմից լրացվող տարեկան, պաշտոնեական պարտականություններն ստանձնելու և պաշտոնեական պարտականությունները դադարեցնելու հայտարարագրերի օրինակելի ձևերը։

Հիշեցնենք, որ 2020 թվականի հունվարի 1-ից օրենքի ուժով «Հանրային ծառայության մասին» ՀՀ օրենքի 34-րդ հոդվածի համաձայն հայտարարատու համարվող անձինք նոր ձևանմուշով հայտարարագրերը ներկայացնելու են մինչև 2020 թվականի մարտի 31-ը։

Հայտարարագրերը ներկայացվելու են էլեկտրոնային կարգով։ Այս պահին էլեկտրոնային բազան մշակման փուլում է և շուտով հասանելի կդառնա հայտարարտուներին։

Տեղեկացնենք, որ Հանձնաժողովը բոլոր հայտարարտու անձանց անհատապես կծանուցի՝ տրամադրելով անհատական օգտատիրոջ անվանումն ու գաղտնաբառը, ինչպես նաև հայտարարագրի լրացման կարգը։

Հընթացս Հանձնաժողովը տեղեկատվություն կտրամադրի հայտարարագրերին առնչվող նորությունների վերաբերյալ:

Հարգանքով` Կոռուպցիայի կանխարգելման հանձնաժողով