Թրամփը կանգնել է Նեթանյահուի կողքին՝ Իսրայելի ընտրություններից առաջ

ԱՄՆ նախագահ Դոնալդ Թրամփը հայտնել է իր լիակատար աջակցությունը Իսրայելի վարչապետ Բենիամին Նեթանյահուի թեկնածությանը՝ հոկտեմբերի վերջին նախատեսված Իսրայելի խորհրդարանական ընտրություններում։

Թրամփն իր գրառումը Truth Social սոցիալական հարթակում ուղղել է «Իսրայելի ժողովրդին»։

«Ահա թե ինչպիսի գործընկեր է անհրաժեշտ Ամերիկայի Միացյալ Նահանգներին Իսրայելի կողմից՝ մի երկիր, որի համար ԱՄՆ-ն այնքան շատ բան է արել։ Թող այս ուղերձը ծառայի որպես իմ լիակատար և անվերապահ աջակցության արտահայտում։ Նեթանյահուին՝ Իսրայելի վարչապետի պաշտոնի համար նրա առաջիկա պայքարում», – գրել է Թրամփը Truth Social-ում։

Քնեսեթի ընտրությունները տեղի կունենան հոկտեմբերի 27-ին, և դրանց արդյունքները կորոշեն հաջորդ կառավարության ձևավորումը։ Իսրայելի գործող կառավարությունը, որը գլխավորում է Նեթանյահուն, ձևավորվել է 2022 թվականի վերջին։ Նեթանյահուն առաջին անգամ Իսրայելի վարչապետ է դարձել 1996 թվականին. այդ ժամանակվանից ի վեր նա երեք անգամ զբաղեցրել է այդ պաշտոնը և վեց անգամ ձևավորել կառավարություն։

Ընդհանուր առմամբ, Նեթանյահուն հրեական պետությունը ղեկավարել է ավելի քան 18 տարի՝ ավելի երկար, քան ցանկացած այլ իսրայելցի քաղաքական գործիչ՝ 1948 թվականին երկրի անկախության հռչակումից ի վեր։