Կորոնավիրուսի կանխարգելման նպատակով իրականացվող միջոցառումների շրջանակում Հայաստանի Հանրապետության կենտրոնական բանկը ևս մեկ անգամ հորդորում է հնարավորինս լայնորեն օգտվել անկանխիկ վճարամիջոցներից և առցանց բանկային ծառայություններից:
Անկանխիկ վճարամիջոցներն ու առցանց բանկային ծառայություններն ապահովում են արագ և ապահով վճարումների իրականացումը, միաժամանակ բացառելով կանխիկի հետ շփումը՝ նվազեցնելով վարակի հնարավոր տարածումը:
Հիշեցնենք, որ ՀՀ կենտրոնական բանկը մարտի 12-ին հայտարարություն էր տարածել, որում հայտնել էր, որ շրջանառության մեջ գտնվող հին թղթադրամներն աստիճանաբար փոխարինվելու են նորերով: ՀՀ ԿԲ-ն նաև հորդորել էր հնարավորինս օգտվել անկանխիկ վճարամիջոցներից և առցանց բանկային ծառայություններից:
.gif)
