«ԺՈՂՈՎՈՒՐԴ» ԹԵՐԹԻ 486 ՀԱՄԱՐԸ

Սերժ Սարգսյանը «Ժառանգություն» կուսակցության նախագահ Րաֆֆի Հովհաննիսյանի հետ հանդիպման ժամանակ մերժել է նրա առաջ քաշած բոլոր պահանջները: Այս մասին երեկ Ազատության հրապարակում կայացած հանրահավաքի ժամանակ պատմեց Ր. Հովհաննիսյանը:«Ասացի՝ ճանաչե՛ք ժողովրդի հաղթանակը, պատասխանը՝ ոչ։ Ասացինք՝ շամպայն խմելու փոխարեն նոր ընտրություն Հայաստանի ապագայի համար, պատասխանը՝ ոչ։ Երկրի ապագային միտված այդ սահմանադրական ջրբաժանը հաղթահարելու համար անգամ ասինք լավ՝ …

ԻՍԿ ԳՈՒՑԵ ՈՒՐԻ՞Շ Է«Չեմ կարծում, որ իմ հեռուստացույցը կամ մեր տան ռադիոընդունիչը տարբերվում են այլ քաղաքացիների կամ «Ժառանգության» անդամների սարքերից: Ես եւ տանը աշխատանքից հետո նայում եւ տեսնում եմ, թե ինչ չափով է լուսաբանվում: Ե՛վ հանրահավաքներն են լուսաբանվում, ե՛ւ նրանց հայտարարություններն են լուսաբանվում, ե՛ւ ասուլիսները»,-հակադարձելով «Ժառանգություն» կուսակցության ներկայացուցիչների այն հայտարարություններին, որ հետընտրական ժամանակաշրջանում կրկին անհավասարաչափ …

«Ժողովուրդ»-ի լավատեղյակ աղբյուրների վկայությամբ՝ ԲՀԿ-ն մտադիր է փոխել ԱԺ էթիկայի հանձնաժողովում իր ներկայացուցչին` Վահան Բաբայանին: Պատճառն այն է, որ ԲՀԿ-ում լուրջ դժգոհություն է առաջացել Բաբայանի պահվածքի վերաբերյալ: Նա էթիկայի հանձնաժողովի նիստերում, հակառակ իր կուսակցության «այլընտրանքային» դիրքորոշմանը, քվեարկում է իշխող կոալիցիայի ներկայացուցիչների նման: Ըստ մեր տեղեկությունների՝ ԱԺ ԲՀԿ խմբակցությունն առաջիկա օրերին քննարկելու է Բաբայանի փոխարեն նոր …

Այսօր տեղի է ունենալու ՀՀՇ արտահերթ համագումարը: Ինչպես «Ժողովուրդ»-ը տեղեկացավ ՀՀՇ լրատվական ծառայությունից, կուսակցությունը պատրաստվում է արտահերթ համագումարում քննարկել եւ դիրքորոշում հայտնել «Հայ ազգային կոնգրես» կուսակցության ստեղծման նախաձեռնությանը միանալու հարցում: Չի բացառվում, որ ՀՀՇ-ն պարզապես գնա վերակազմավորման կամ անվանափոխության ճանապարհով` դառնալով «Հայ ազգային կոնգրես» կուսակցություն: Ելույթ կունենա ՀԱԿ առաջնորդ Լ. Տեր-Պետրոսյանը:

ՕԵԿ-ն այս օրերին անցել է ընդհատակ. կոալիցիոն փոքր եղբայրը, որի ղեկավարը նույնիսկ անձամբ էր լծվել Սերժ Սարգսյանի քարոզարշավին, հիմա չի շտապում շնորհավորել նրան ընտրվելու առթիվ: Ավելին, ՕԵԿ-ականները նույնիսկ ներկա չեն գտնվել հերթական քառօրյայից առաջ ԱԺ նախագահ Հովիկ Աբրահամյանի անցկացրած աշխատանքային խորհրդակցությանը: Ընդ որում, երեկ այդ խորհրդակցությանը եղել են միայն ՀՀԿ-ի եւ ԲՀԿ-ի ներկայացուցիչները:

Երեկ «Առավոտ»-ը հրապարակել էր Մարքսիստական կուսակցության նախագահ Դավիթ Հակոբյանի հայտարարությունը. «Ընտրարշավը եւ ընտրությունները գնահատում եմ մեկ բառով՝ իշխանագողություն: Թվով չորրորդ: Եթե վերլուծենք, թե որն էր հանրապետական խունտայի պարտության գլխավոր պատճառը, ապա դա, մեկ խոսքով ասած, տակտիկական զինանոցի տգիտությունն ու սնանկությունն էր: Նախագահական մարաթոնի արդյունքում «кинг Жоржик пал», «народ ему показал красную карточку»»:Հիշեցնենք, որ նախագահական ընտրությունների …

ՀՀ նախագահին կից հանրային խորհրդի նախագահ Վազգեն Մանուկյանի փեսան «Էրեբունի» բժշկական կենտրոնի վերակենդանացման բաժանմունքում է: Երբ «Ժողովուրդ»-ը հետաքրքրվեց, թե ինչու, Մանուկյանը պատասխանեց. «Վիրուսային գրիպային վիճակ է իր մոտ»: Հարցին՝ արդյոք խոզի գրիպ է, Մանուկյանն արձագանքեց. «Այո՛, խոզի գրիպ է, եւ դա շատ ծանր հիվանդություն է»: