«ԺՈՂՈՎՈՒՐԴ» ԹԵՐԹԻ 495 ՀԱՄԱՐԸ

Սերժ Սարգսյանի մոտ սկսել է «կաղ բադիկի» սինդրոմ նկատվել, այն էլ` ժամանակից շուտ: Նշենք, որ քաղաքագիտության մեջ «կաղ բադիկի» սինդրոմ են համարում այն վիճակը, երբ երկրի ղեկավարին մնում է պաշտոնավարման կարճ ժամանակ, եւ նա սկսում է իշխանության ներսում կամաց-կամաց կորցնել իր ազդեցությունը: Ինչպես պնդում են փորձագետները, հիմա այդ վիճակը Սերժ Սարգսյանի մոտ է. նա սկսել …

Երեկ Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Ռուբեն Ափինյանը հրապարակել է «Առավոտ» եւ «Հայկական ժամանակ» օրաթերթերի դեմ 9 տարվա ազատազրկման դատապարտված 71-ամյա Ռազմիկ Աբրահամյանի հայցով կայացրած վճիռը, որով ամբողջովին մերժվել է պեդոֆիլի հայցը:  Նրանից հօգուտ պետության կբռնագանձվի 80.000 ՀՀ դրամ՝ որպես չվճարված պետգույքի գումար: Հիշեցնենք, որ Աբրահամյանը դատի էր տվել թերթերին …

Մայիսի 5-ին կայանալիք Երեւանի ավագանու ընտրությունների նախընտրական գովազդի ամենաթանկ գինը սահմանել է «Շանթ» հեռուստաընկերությունը՝ 1 րոպե քաղաքական գովազդի համար պահանջելով 120.000 դրամ, իսկ ամենաէժանը՝ «Երեւան» եւ «Լայմ» հեռուստաընկերությունները՝ 15.000 դրամ: «Հ2» հը-ն նախընտրական քարոզչության համար սահմանել է 60.000 դրամ՝ երկուշաբթիից շաբաթ՝ 18:00-24:00 եւ կիրակի՝ 10:00-24:00 ժամանակահատվածի եւ 30.000 դրամ՝ եթերաժամային մյուս գոտիների համար: 

ՀՀ հատուկ քննչական ծառայությունը դիմել է ՀՀ փաստաբանների պալատին՝ խնդրելով քննարկման առարկա դարձնել փաստաբան Տիգրան Եգորյանի գործողություններն ու նրան կարգապահական պատասխանատվության ենթարկելու հարցը՝ հետագայում նմանատիպ գործողությունների կանխման անհրաժեշտությունից ելնելով։ Ըստ ՀՔԾ-ի՝ ընտրախախտման գործով վստահորդի շահերը մինչդատական վարույթում ներկայացնելու ընթացքում Տ. Եգորյանն օրենքով արգելված միջոցներով փորձել է ազդել վարույթն իրականացնող մարմնի վրա եւ վերջինիս գործողություններին է …

Տավուշի մարզի Դիլիջան քաղաքի բնակիչ Գենյա Դավթյանը Tert.am-ին բողոքել է, որ իր թոռը՝ Վրեժ Վարդյանը, հակառակ առողջական խնդիրներին, դեկտեմբերի 31-ին զորակոչվել է ՀՀ զինված ուժեր, սակայն զորամասում 3 օր մնալուց հետո տեղափոխվել հոսպիտալ: «Դեկտեմբերի 31-ին առանց ծանուցագիր տալու տարել են բանակ: Էրեխեն զանգել ա ասել, որ արդեն Ղարաբաղ տանող ավտոբուսում ա ու էլ չի զանգել: …

«Ժողովրդի իշխանություն» նախաձեռնության նախագահ Զոյա Թադեւոսյանը «168 ժամ»-ին հայտնել է, որ  իրենք երկուշաբթի լիագումար նիստ կհրավիրեն, որպեսզի նախաձեռնության այն անդամները, որոնք ցանկանում են անդամագրվել «Հայ ազգային կոնգրես» կուսակցությանը, հնարավորություն ունենան դիմում ներկայացնել: Ըստ Թադեւոսյանի՝ արդեն իսկ 50-ից ավելի անդամագրության դիմումներ կան: 

«168 ժամ»-ի տեղեկություններով՝ ԲՀԿ առաջնորդ Գագիկ Ծառուկյանը որոշել է, թե ինչ կազմով է ԲՀԿ-ն մասնակցելու Երեւանի ավագանու ընտրություններին: Ըստ այդմ՝ ցուցակը գլխավորելու է ԱԳ նախկին նախարար Վարդան Օսկանյանը, երկրորդը լինելու է ՄԱԿ (Միավորված աշխատանքի կուսակցություն) նախագահ Գուրգեն Արսենյանը, իսկ երրորդը լինելու է ԲՀԿ խմբակցության քարտուղար Նաիրա Զոհրաբյանը:

«Ազատ դեմոկրատներ» կուսակցության փոխնախագահ Անուշ Սեդրակյանից «Ժողովուրդ»-ը փորձեց պարզել՝ արդյոք իրենց կուսակցությունը մասնակցելու է մայիսի 5-ին կայանալիք Երեւանի ավագանու ընտրություններին: «Մեր բոլոր որոշումները կոլեգիալ են: Մարտի կեսերին վարչության նիստ կգումարվի, եւ այդ օրը մենք կորոշենք՝ մասնակցելու ենք, թե ոչ»,-ասաց նա: Հիշեցնենք, որ ընտրացուցակները ԿԸՀ-ին ներկայացնելու վերջնաժամկետը մարտի 21-ն է:

ԱԺ ՀԱԿ խմբակցության ղեկավար Լեւոն Զուրաբյանը նախօրեին հանդես էր եկել առաջարկով, որ ՀԱԿ, ԲՀԿ, ՀՅԴ եւ «Ժառանգություն» կուսակցությունները Երեւանի ավագանու ընտրություններին մասնակցեն միասնական ցուցակով: «Ժողովուրդ»-ի հետ զրույցում ԲՀԿ խմբակցության քարտուղար Նաիրա Զոհրաբյանը հայտարարեց, թե իրենք այդ հարցը կքննարկեն առաջիկայում, երբ անդրադառնան ավագանու ընտրությունների հարցերին: ՀՅԴ ԳՄ փոխներկայացուցիչ Արսեն Համբարձումյանը եւս նշեց, որ ՀՅԴ-ում չեն քննարկել …

Նախագահական ընտրություններից հետո Սերժ Սարգսյանին ուղարկած շնորհավորական ուղերձներում ե՛ւ ԱՄՆ, ե՛ւ Ֆրանսիայի նախագահներն առանձին տեղ են հատկացրել ԼՂ հակամարտության եւ հայ-թուրքական հարաբերությունների կարգավորման հարցին: Անդրադառնալով այս հանգամանքին՝ քաղաքական եւ ընտրական տեխնոլոգիաների փորձագետ Արմեն Բադալյանը «Ժողովուրդ»-ի հետ զրույցում կարծիք հայտնեց. «Գերտերություններն անմիջապես շնորհավորեցին նախագահական ընտրություններ կոչված միջոցառման արդյունքում նախագահական նստավայրում հայտնված մարդուն: Ու հիմա նրանք շնորհավորական …

Գյումրու նախկին քաղաքապետ Վարդան Ղուկասյանն իրենից խնդիր չի ներկայացնում Շիրակի նորանշանակ մարզպետ, ԱԱԾ պետի նախկին տեղակալ Ֆելիքս Ցոլակյանի համար: Այդ մասին երեկ ասել է Ցոլակյանը: «Ես չգիտեմ, թե ով ոնց է իրեն զգում: Ես ոչ ոքի հետ կապված խնդիր չունեմ: Ճիշտ պահվածքի դեպքում բոլորն իրար հավասար են»,-ասել է Ցոլակյանը` հավաստիացնելով, որ չի պատրաստվում դառնալ կուսակցական:

Սյունիքի մարզի ընդհանուր իրավասության դատարանը հիմնավորված է համարել անչափահասին բռնաբարելու եւ նրա նկատմամբ անառակաբարո գործողություններ կատարելու համար Սյունիքի մարզի Հարթաշեն համայնքի ղեկավար Ազատ Ղուկասյանին առաջադրված մեղադրանքը եւ նրան դատապարտել ազատազրկման 8 տարի ժամկետով: