Նիդեռլանդների պաշտպանության նախարարը Ռուսաստանին թշնամի է անվանել

Նիդեռլանդների պաշտպանության նախարար Դիլան Եշիլգյոզ-Զեգերիուսը հայտարարել է, որ Ռուսաստանն այլևս ոչ թե պարզապես ագրեսոր է, այլ Նիդեռլանդների թշնամին։ Նրա խոսքով՝ հետախուզական և անվտանգության ծառայությունները նախազգուշացնում են, որ Ռուսաստանը պատրաստվում է ՆԱՏՕ-ի հետ հնարավոր հակամարտությանը, ուստի անհրաժեշտ է ամրապնդել ռազմական կարողությունները։
Նախարարը նշել է, որ Նիդեռլանդների զինված ուժերը մարզվում են Էստոնիայում՝ ցույց տալու համար, որ ՆԱՏՕ-ն պատրաստ է պաշտպանել իր արևելյան սահմանները։

Հայտարարությանը կոշտ արձագանքել է Նիդեռլանդներում Ռուսաստանի դեսպանատունը՝ այն որակելով որպես երկու երկրների միջև զինված հակամարտություն հրահրելու փորձ։ Դիվանագիտական առաքելությունը նաև զգուշացրել է, որ Ռուսաստանի անվտանգությանն ու ինքնիշխանությանը սպառնացող ցանկացած գործողություն պատասխան կստանա։