Մի քանի մարդ վիրավորվել է Հնդկաստանի հյուսիսում գտնվող և սիկխերի գլխավոր սրբավայրը հանդիսացող Ամրիտսարի ոսկյա տաճարում տեղի ունեցած բախումների ժամանակ. տեղեկացնում է BBC-ն:
Սիկխերի մրցակից խմբերի միջև բախումները տեղի են ունեցել այն ժամանակ, երբ սիկխերը նշում էին հետգաղութային Հնդկաստանում ամենահակասական միջադեպերից մեկի` 1984-ին Արմիտսարի ոսկե տաճարի գրոհի տարելիցը:
Հնդկաստանում Ինդիրա Գանդիի կառավարությունը դիտարկում էր Արմիտսարի ոսկե տաճարը որպես սիկխ անջատողականների հենակետ: Այդ տարիներին նրանք պայքարում էին Փենջաբում Խալիստան անկախ պետության ստեղծման համար:
Գրոհի արդյունքում զոհվել է մոտ 400 մարդ, այդ թվում` կառավարական ուժերի 87 զինծառայող: Սիկխերը պնդում են, որ իրականում զոհերի թիվը հասնում էր հազարների, և նրանց թվում շատ էին անզեն հավատացյալները:
Ինդիրա Գանդին, ով հրաման էր արձակել ոսկե տաճարը գրոհելու վերաբերյալ, ինքն էլ սպանվել էր իր սիկխ թիկնապահների կողմից:
.gif)
