Այսօր ուելսցի ֆուտբոլիստ Գարեթ Բեյլի ծննդյան օրն է (ֆոտո)

Այսօր հուլիսի 16-ն է, տարվա 197-րդ օրը:  Տարվա ավարտին մնում է 168 օր: 1989 թվականի այս օրը ծնվել է հայտնի ուելսցի ֆուտբոլիստ Գարեթ Բեյլը, ով հանդես է գալիս Իսպանական Լա Լիգայի «Ռեալ Մադրիդ» ակումբում։

Բեյլը ծնվել է Ուելսի Քարդիֆ քաղաքում։ Հայրը՝ Ֆրենկը աշխատում էր դպրոցում՝ որպես պահակ, իսկ մայրը՝ Դեբին օպերացիոն կառավարիչ էր։ Բեյլը հաճախել է Եգլվիս Նևիդ հիմնական դպրոցը։ Նա Քարդիֆ Սիթի ակումբի ֆուտբոլիստ՝ Քրիս Փայքի եղբորորդին էր։ Նա դեռ սովորում էր, երբ առաջին անգամ հայտնվեց Սաութհեմփթոն ի ուշադրության կենտրոնում, երբ նա խաղում էր իր առաջին ակումբի՝ Քարդիֆի ֆուտբոլային ակումբի կազմում։

Բեյլը պրոֆեսիոնալ կարիերան սկսել է «Սաութհեմփթոն»-ում։ 2007 թվականին Բեյլը տեղափոխվեց«Տոտենհեմ» 7 միլիոն եվրոյի դիմաց։ Բեյլի առաջին խաղը ընկերական էր՝ Սեյնթ Պատրիկս Աթլետիկի և փոխարինվեց 80-րդ րոպեին վնասվածքի պատճառով։ Իսկ նրա պաշտոնական առաջին խաղը «Մանչեսթեր Յունայթեդի» դեմ էր:  2013 թվականի սեպտեմբերի 1-ին Բեյլը 6 տարվա պայմանագիր կնքեց Մադրիդի «Ռեալ»-ի հետ։

Իսպանական մամուլը և «Ռեալ Մադրիդ» հեռուստաալիքը հրապարակեցին, որ Բեյլի տրանսֆերային գինը կազմել է 77 միլիոն ֆունտ ստերլինգ (91մլն եվրո), մինչդեռ անգլիական մամուլը հրապարակեց, որ արքայական ակումբը Բեյլի համար վճարել է 80 միլիոն ֆունտ ստերլինգ (100մլն եվրո), որը ավելին էր Կրիշտիանու Ռոնալդուի համար վճարված ռեկորդային գնից։

Նա հենց առաջին մրցաշրջանում դարձավ թիմի մեկնարկային կազմի անփոխարինելի ֆուտբոլիստներից մեկը՝ օգնելով թիմին հաղթել Իսպանիայի գավաթը և ՈՒԵՖԱ-ի գավաթը՝ գոլ խփելով երկու եզրափակիչներում։