Բաքվում մեր կոնտր-գործընկերները պետք է վերջապես հասկանան, որ Հայաստանն ու համանախագահող երկրները խոսում են մեկ լեզվով. Սերժ Սարգսյանի հոդվածը՝ «Իզվեստիա» պարբերականում

«ՀՀ նախագահ Սերժ Սարգսյանը՝ երկրի սոցիալ-տնտեսական զարգացման և միջազգային համագործակցության մասին» հոդվածը հրապարակվել է ռուսական «Իզվեստիա» պարբերականի կայքում:

Հոդվածը ներկայացնում ենք ամբողջությամբ.

«Հայաստանն անցել է Երրորդ հանրապետության 25-ամյա իրադարձության միջով պետական կառուցման հստակ փորձով, իր ձեռքբերումներով և սխալներով, սակայն վստահ նայելով դեպի ապագա:

Այդ ուղին հեշտ չէր: Չնայած 1988թ. երկրաշարժի հետևանքները հաղթահարելու դժվարություններին, պատերազմին և Հայաստան փախստականների հոսքին, շրջափակմանը, արտաքին աշխարհի հետ տնտեսական կապերի խզմանը, տնտեսական ճգնաժամին և մի շարք այլ խնդիրներին՝ Հայաստանը հստակ քայլեր ձեռնարկեց անկախ պետականության վերականգնման համար: Հենց այդ ձգտումը միավորեց ողջ աշխարհում մոտ 10 միլիոն մեր հայրենակիցներին, ովքեր ցանկանում էին Հայաստանը անվտանգ, դեմոկրատական և ծաղկող տեսնել:

Լեռնային Ղարաբաղի ժողովրդի ֆիզիակական ոչնչացման շարունակվող սպառնալիքների, Հայաստանի հանդեպ տարածքային հավակնությունների պայմաններում մենք հատուկ ուշադրություն ենք հատկացրել երկրի պաշտպանական կարողություններին: Զարմանալի չէ, որ պետական ինստիտուտների առաջին տեղում է մեր բանակը, որն արդեն երկար տարիներ տարածաշրջանում ամենաուժեղն ու ամենամարտունակն է համարվում:

Եվ այսօր, 25 տարի անց, Հայաստանի զինված ուժերը շարունակում են կատարելագործվել՝ ամրապնդելով իրենց օպերատիվ հնարավորություններն ու ժամանակակից ռազմատեխնիկայի հագեցվածությունը, քաղաքացիական դեմոկրատական վերահսկողությունն ու միջազգային ռազմաքաղաքական համագործակցությունը:

Հայաստանը շարունակում է մեծացնել և ամրապնդել ռազմատեխնիկական համագործակցության շրջանակներում իր պաշտպանական կարողությունները իր ռազմավարական դաշնակից Ռուսաստանի հետ: Մենք զորքերի միավորված խմբավորում ենք ստեղծել, ձևավորվել է հակաօդային պաշտպանության միասնական համակարգ: Հայաստանի տարածքում է տեղակայված 102-րդ ռուսական ռազմաբազան:

Հայ-ռուսական ռազմատեխնիկական համագործակցության նշանակալից իրադարձություն դարձավ ՌԴ նախագահ Վլադիմիր Պուտինի հետ մեր այցը 102-րդ ռուսական ռազմաբազա 2013թ., որտեղ դիտարկվեցին ռազմաբազայի ռազմատեխնիկական մոդեռնացման և արդյունավետ սպասարկման խնդիրները: Դրանց լուծման համար նպատակահարմար է հայկական և ռուսական կողմերի միջև համատեղ ծրագրերի քննարկում: Ընդ որում, համալիրի բազմապրոֆիլ մասշտաբն անհրաժեշտ է այնպես հաշվի առնել, որպեսզի ռազմաբազայի մոդեռնացման խնդիրների լուծմանը զուգահեռ հարթակ կդառնար Ռուսաստանի և Հայաստանի հետ սահմանակից պետությունների հետ ռազմատեխնիկական համագործակցության կարգավորման համար: Գյումրիում աշխատատեղերի ստեղծումը գործոն կլիներ նաև քաղաքում սոցիալ-տնտեսական իրավիճակի լավացման համար:

Այդ ամենն ուղղված է բացառապես անվտանգության երաշխավորված ապահովմանն ու երկրի դեմոկրատական զարգացմանը՝ ի շահ աշխարհի և մեր մեր պայթյունավտանգ տարածաշրջանի կայունությանը:

Լինելով ԼՂՀ բնակչության անվտանգության երաշխավոր՝ Հայաստանը շարունակում է իր հետևողական և կառուցողական ջանքերը՝ ԵԱՀԿ Մինսկի խմբի համանախագահների ֆորմատով հակամարտության խաղաղ կարգավորման համար:

2016թ. ապրիլին Լեռնային Ղարաբաղի դեմ Ադրբեջանի նոր ագրեսիան էական վնաս հասցրեց բանակցային գործընթացին: Շփման գծում իրավիճակի սրումը, որը տեղի ունեցավ 2017թ. փետրվարի 24-ի լույս 25-ի գիշերը հերթական անգամ ցույց տվեց հրադադարի ռեժիմի խախտման մեղավորներին բացահայտելու խնդիրն ու ընդգծեց հրադադարի ռեժիմի հետևման համար հսկող մեխանիզմների ներդրման մասին համաձայնագրի արդյունավետ և արագ իրականացման ակտուալությունը: Ի տարբերություն այլ հակամարտությունների՝ ԼՂ հարցում ՌԴ-ի, ԱՄՆ-ի և Ֆրանսիայի դիրքորոշումներում շարունակվող կոնսենսուսը թույլ է տալիս ԵԱՀԿ ՄԽ համանախագահությունը դիտարկել որպես արդյունավետ հարթակ այդ պետությունների միջև կառուցողական երկխոսության համար:

Բաքվում մեր կոնտր-գործընկերները պետք է վերջապես հասկանան, որ Հայաստանն ու համանախագահող երկրները խոսում են մեկ լեզվով. քաղաքակիրթ աշխարհում բանակցությունների այլընտրանք չկա, իսկ պատերազմը խնդիր լուծման ճանապարհ չէ և միայն երկխոսության միջոցով կարելի է խաղաղության հասնել:

Մենք ելնում ենք նրանից, որ սեփական ճակատագիրը կառավարելու՝ ժողովրդի իրավունքը ժամանակակից աշխարհակարգի անբաժանելի մաս է: Հենց այդ հիմքով պետք է լուծվի ԼՂ խնդիրը: Ընդ որում, անհրաժեշտ է ընդունել միջազգային փորձագիտական հանրության գնահատականները: 1991թ.-ից ԼՂՀ-ում նախագահական և խորհրդարանական ընտրություններ են անցկացվում մրցակցային հիմքով, իսկ 1998թ.-ից ընտրությունների միջոցով ձևավորվում են տեղական ինքնակառավարման մարմիններ: Միջազգային դիտորդների գնահատականի համաձայն՝ ԼՂՀ-ում ընտրություններն անցկացվում են հանրապետության ընտրական օրենսգրքի և միջազգային իրավունքի նորմերին համապատասխան:

2006թ. հանրաքվեի արդյունքում ընդունված ԼՂՀ Սահմանդրությունը պետական կառուցման գործընթացին համակարգային բնույթ տվեց: Ներկայումս ԼՂՀ-ն՝ վերջին հանրաքվեի արդյունքում անվանափոխված Արցախի Հանրապետություն, իր քաղաքական մշակույթով և դեմոկրատական ինստիտուտների զարգացման մակարդակով գործոն է, որը նպաստում է կայունության և անվտանգության ապահովմանը:

Չնայած ԼՂ խնդիրը լուծված չէ՝ մեզ հաջողվել է կայուն մակրոտնտեսական պայմաններ ստեղծել երկրի զարգացման համար: Դա ըստ արժանվույն գնահատում են նաև մեր գործընկերները:

Առաջնային խնդիր ենք համարում երկրում գործնական և ներդրումային կլիմայի բարելավումը: Հայաստանում ներդրումային առավելություններից մեկն այն է, որ մենք  մի շարք երկրների հետ առևտրի արտոնյալ ռեժիմ և ԱՊՀ բոլոր երկրների հետ ազատ առևտրի մասին համաձայնագիր ունենք: Հայաստանն օգտվում է առևտրային ռեժիմների առավելություններով, ԱՄՆ-ի, Կանադայի, Շվեյցարիայի, Ճապոնիայի, Նորվեգիայի նկատմամբ GSP համընդհանուր համակարգով, իսկ ԵՄ երկրների հետ՝ GSP+ հավելյալ համակարգով:

Եվրասիական տնտեսական միությանն անդմակցելուց հետո մեր տնտեսական և առևտրային հնարավորություններն էապես ընդլայնվեցին:

Մեր առևտրա-տնտեսական առանցքային գործընկերը Ռուսաստանն է: Այս տարի լրացավ մեր դիվանագիտական հարաբերությունների 25-ամյակը:

Այսօր Հայաստանի ղեկավարության առջև ծառացած հիմնական խնդիրը անվտանգության ապահովումն ու կայուն դեմոկրատական զարգացման համար պայմաններ ստեղծելն է»: