«Ժողովուրդ» օրաթերթը գրում է` «Եթե մինչեւ Պուտին-Սարգսյան նախօրեի հեռախոսազրույցը ՀՀ իշխանությունների որդեգրած չեզոք պահվածքը ողջունվում էր Հայաստանի ողջ քաղաքական դաշտի կողմից, ապա երեկվանից սկսած` Սերժ Սարգսյանի կողմից Ղրիմի հանրաքվեի, ըստ էության, ողջունումն առաջ բերեց քննադատության եւ մտահոգությունների ալիք: Թեեւ հարկ է նկատել, որ այդ հարցում ընդդիմադիր դաշտում առանձնապես մեծ դիմադրություն չկա: Ավելին` ՀԱԿ-ը երեկ շտապեց գնահատել Ղրիմի հանրաքվեն որպես «Ղրիմի ժողովրդի հստակ կամարտահայտության» դրսեւորում եւ, ըստ էության, ինքնորոշման իրավունքի իրացում, իսկ մնացած քաղաքական ուժերն էլ, բացառությամբ «Ժառանգության» եւ «Ազատ դեմոկրատներ»-ի, այս հարցում, կարծես թե, առայժմ չեն շտապում ընդգծված տեսակետներ արտահայտել:
Մինչդեռ սա այն հարցն է, որն անմիջապես պրոեկտվելու է ղարաբաղյան հակամարտության կարգավորման վրա: Առավել եւս` որ ԼՂՀ խորհրդարանն իր հայտարարությամբ, փաստորեն, Ղարաբաղի ինքնորոշման պայքարն ու բազում զոհերի գնով ձեռքբերված հաղթանակը նույնացրեց Ղրիմի բռնակցման հետ»:
Շարունակությունը` թերթի այսօրվա համարում:
.gif)
