Կարմիր ծովում նավի վրա տեղի ունեցած հարձակման հետևանքով երեք Պակիստանի քաղաքացի է զոհվել, ևս մեկ մարդ վիրավորվել է։ Այս մասին հայտնել է Պակիստանի արտգործնախարար Իշաք Դարը։
Նրա խոսքով՝ Պակիստանը «խստորեն դատապարտում է հութիների հարձակումը ոչ ռազմական նշանակության առևտրային նավի վրա»։
Դարը նշել է, որ նման հարձակումները վտանգում են անմեղ մարդկանց կյանքը, միջազգային իրավունքի խախտում են և լուրջ սպառնալիք են ստեղծում Կարմիր ծովում նավարկության ազատության, ծովային անվտանգության և առևտրային նավերի անվտանգության համար։
Պակիստանի արտգործնախարարի փոխանցմամբ՝ Իսլամաբադը միջադեպի առնչությամբ կապի մեջ է Սաուդյան Արաբիայի համապատասխան իշխանությունների, ինչպես նաև Եմենի միջազգայնորեն ճանաչված կառավարության հետ։
Անի Վարդանյան
.gif)
