Երկրում աճ չկա. Հրանտ Բագրատյանի պատասխանը Սերժ Սարգսյանին

ՀՀ նախկին վարչապետ Հրանտ Բագրատյանը այսօր լրագրողների հետ հանդիպմանը կրկին անդրադարձավ ՀՀ նախագահ Սերժ Սարգսյանի Հայաստանի Հանրապետական կուսակցության համագումարի հնչեցված ելույթին, պնդելով, որ նախագահին թյուրիմացության մեջ են գցել: Բագրատյանը նշեց, որ չնայած ոչ ոք անսխալական չէ, սակայն ամբողջ ելույթում, ըստ նրա, երկու կարևոր պահ կա: “Առաջինը, նախագահը կարծում է, որ երկրում աճ կա, իրականում երկրում աճ չկա և հետո 100 անգամ ասում ենք, ,սիրելիներս, տարբերե՛ք հարաբերական և բացարձակ բյուջեներըե: Մարդկանց բացատրում ենք ոչ թե 4 մլրդ-ով Ֆինանսների նախարարը չի կատարել բյուջեն, այլ 27 մլրդ-ով, որովհետև սղաճը առավելագույն 5.5%-ի տեղը եղել է 7.7%”,- ասաց տնտեսագետը: Հրանտ Բագրատյանն այնուհետև մանրամասնեց. “Բյուջեն մարդու աշխատավարձն է։Եթե եթե մարդու աշխատավարձը 100 դոլար է և դարձել է 150 դոլար, իսկ գները բարձրացել է 60 դոլարով, հիմա ձեր աշխատավարձը պակասե՞լ է, թե՞ ավելացել: Բա էսքան բանը նախագահը չիմանա”: Նախկին վարչապետն այս վերլուծությունները համարում է պարզ հաշվարկ, սակայն ոչ հասարակ ՀՀ ֆինանսների նախարարի համար: “Ես այսքան նշում, ասում եմ, բայց Ֆինանսների նախարարը չի հասկանում”,- ասաց նա: Խոսելով բյուջեի ներկայացված աճի մասին՝ Հրանտ Բագրատյանն ասաց, որ պատրաստ է գրատախտակով բացատրել, նախ այն համեմատելով Ադրբեջանի տվյալների հետ: “Ադրբեջանի բյուջեն կազմում է 18 մլդ դոլար, իսկ Հայաստանինը՝ 2,5 է: Կարող են ասել, Բագրատյան, քո թողած բյուջեն 1996-ին 350 մլն էր, 93-ին էլ 8մլն, 3 տարում 8-ը դարձավ 350, բայց 96-ին Ադրբեջանի բյուջեն 700 էր ընդամենը, երկու անգամ էր ավել”,– ասաց նա։ “Վրաստանինը մեզնից պակաս էր, ոչ թե այսօրվա՝ 4,5 անգամ ավել: Մեր երկիրը վերանում է, մի հատ պատերազմ ու վերջե,- ասաց նա և հստակեցրեց, որ Ադրբեջանի նավթին զուգընթաց Հայաստանը մոլիբդեն ունի: ,Բա մեր մոլիբդենը հաշվի չեք առնում, և հետո Ադրբեջանի նավթը բյուջե չի մտնում, դա էլ պետք է հաշվի առնել: Բացի այդ 38 մլրդ ստաբիլիզացնող փող ունի, որը Ադրբեջանը նավթի հաշվին է անում: Եթե մենք մեր տրանսֆերները ստաբիլիզացնեինք, կունենայինք 9 մլրդ դոլար փող”,- նշեց նա: ՀՀ նախկին վարչապետն անդրադարձավ նաև տնտեսական ճգնաժամին առնչվող պատ–առաբանություններին և խորհուրդ տվեց Հայաստանում տնտեսական ճգնաժամը համեմատել համաշխարհային տնտեսական աճի հետ. “Այ ընկեր, դա ընդամենը մի տարինաե: Ըստ նրա, այսօր պետք է տարեկան 7,4% ՀՆԱ-ի մաքուր աճ, որի դեպքում է միայն հնարավոր, որ ,տակը փող մնա ժողովրդի համար”: “Մեր մոլիբդենից 2 մլրդ դոլարի շրջանառություն կա, նավթ չի, բայց նավթի 30%-ի չափով կա: 2մլրդ-ից 1,7%-ն է միայն մտնում բյուջե”,- ասաց նա: Բագրատյանը համոզված է, որ Հայաստանում մարդկանց արտահոսք չկա, այլ մարդկանց արտահանում են և դա անում են մտածված կերպով: Տնտեսագետը նկատում է, որ այս ամենն իշխանությունները և՛ չեն հասկանում, և՛ չեն ուզում անել, քանի որ նրանց ձեռք չի տալիս, ունենալ “տնտեսապես անկախ քաղաքացի, որը չի գնա ընտրակաշառքների”: