Ֆրանսիայի քաղաքացի հանդիսացող երկու կանայք Վրաստանում սպասում են դատարանի որոշմանը այն բանի համար, որ իրենց հետ այդ երկիր էին բերել գլխացավի դեմ նախատեսված կոդեին պարունակող հաբեր. տեղեկացնում է РИА Новости-ին՝ հղում անելով Parizien թերթին:
Էլզասի բնակչուհի Արզու Բիլիչին, ով հանգստանալու էր եկել Թուրքիա, որոշել է փոքրիկ շրջագայություն կատարել դեպի Վրաստան: Սակայն սահմանին կինը ձերբակալվել է սահմանապահների կողմից. նրա անձնական դեղատուփում գտել են Dafalgan դեղամիջոց, որը Ֆրանսիայում վաճառվում է դեղատոմսով:
Ճանապարհորդությունների սիրահար կինը չգիտեր, որ Վրաստանում կոդեինի պարունակությամբ դեղամիջոցներն արգելքի տակ են:
Այս պահին Բիլիչին սպասում է դատաքննությանը, որը նրան կպարտավորեցնի 2,5 հազար եվրո վճարել: Միայն դրանից հետո կինը կկարողանա տուն վերադառնալ:
Ֆրանսիական լրատվամիջոցների տեղեկություններով` նման պատմության մեջ է ընկել նաև մեկ այլ ֆրանսուհի: Հիմա կանայք միասին են սպասում դատին:
.gif)
