Ռուսաստանում մի շարք վարկային կազմակերպություններ պատրաստվում են դուրս գալ Ռուսաստանյան բանկերի ասոցիացիայից։ Որպես պատճառ է նշվում ասոցիացիայի ղեկավար Գարեգին Թոսունյանի քաղաքականության հետ անհամաձայնությունը:
Ռուսական լրատվամիջոցները գրում են, որ Թոսունյանի քաղաքականության հետ չհամաձայնվողները մտադիր են անցնել «Ռոսիա» ասոցիացիա՝ այն արմատապես բարեփոխելով:
Թոսունյանն էլ ռուսական լրատվամիջոցի հետ զրույցում ասել է, թե որ դեպքում կհեռանա իր պաշտոնից: «Ռուսաստանի բանկերի ասոցիացիայի նախագահի հրաժարականի մասին որոշումը կայացնում է կազմակերպության համագումարը: Դա բացառապես համագումարի լիազորությունն է: Համագումարը կարող է արտահայտել այդ առնչությամբ իր կարծիքը», – նշել է նա:
.gif)
