ՖԻՖԱ-ն «Թվիթերի» իր պաշտոնական էջում հայտնել է այն երեք դարպասապահների անունները, ովքեր հավակնում են տարվա լավագույնի կոչմանը:
Թեկնածուների վերջնական ցուցակում ընդգրկել են Տիբո Կուրտուան (Բելգիայի հավաքական, «Չելսի»/«Ռեալ»), Ուգո Լյորիսը (Ֆրանսիա, «Տոտենհեմ») և Կասպեր Շմեյխելը (Դանիա, «Լեսթեր Սիթի»):Աշխարհի 2018 թվականի առաջնության ժամանակ Կուրտուան Բելգիայի հավաքականի կազմում արժանացել է բրոնզե մեդալներին, ինչպես նաև ճանաչվել մրցաշարի լավագույն դարպասապահը:
Լյորիսը, իր հերթին, Ֆրանսիայի հավաքականի հետ դարձել է աշխարհի չեմպիոն: Շմեյխելը Դանիայի հավաքականի հետ հաղթահարել է մրցաշարի խմբային փուլի արգելքը, սակայն քառորդ եզրափակչում հետխաղյա 11-մետրանոց հարվածաշարում պարտվել է Խորվաթիային` մունդիալի ապագա փոխչեմպիոններին:
.gif)
