Երեկ, միմյանցից անկախ, Էրեբունու ոստիկանության բաժնի մեկուսարանում պահվող Սամսոն Խաչատրյանին են այցելել ԱԺ անկախ պատգամավոր Վիկտոր Դալլաքյանը եւ «Ժառանգության» պատգամավորներ Զարուհի Փոստանջյանը, Արմեն Մարտիրոսյանն ու Ստյոպա Սաֆարյանը: Վ. Դալլաքյանն ասաց, որ ինքը քաղաքավարության այց է կատարել. «Իմ մանկության ընկերն է Սամսոնը: Նույնիսկ իմ մրցակիցն է եղել 2007թ. խորհրդարանական ընտրություններում: Մենք մարզական ընկերներ ենք: Ինքը բռնցքամարտ էր պարապում, ես` վոլեյբոլ: Ի՞նչ կապ ունի ՀԱԿ, ՀՀՇ կամ մեկ այլ կուսակցություն: Սա բարոյականության խնդիր է»: Պատգամավորն ասաց, որ Ս. Խաչատրյանն իրեն լավ էր զգում:
.gif)
