Նիկոլ Փաշինյանն ԱԺ է գնում. թիմակիցները հարցեր ունեն

ՀԵՏԵՎԵՔ ՄԵԶ Telegram-ՈՒՄ

Վարչապետ Նիկոլ Փաշինյանն այսօր՝ սեպտեմբերի 28-ին, Ազգային ժողով է գնալու: ArmLur.am-ի հայտնի դարձավ, որ Փաշինյանը երեկոյան 18.00-ին հանդիպելու է թիմակիցների՝ «Քաղաքացիական պայմանագիր» խմբակցության պատգամավորների հետ:

«Հատկապես սեպտեմբերի 13-ից ու դրան հաջորդած իրադարձություններից հետո կուտակված հարցեր կան, որ պարզաբանման կարիք ունեն: Այս ընթացքում Փաշինյանն ԱՄն՝ Նյու Յորք, այնուհետ Ֆրանսիա է մեկնել, տարբեր հանդիպումներ ունեցել, ու պետք է հասկանալ, թե քննարկումների առանցքն ի՞նչ է եղել»,- ասաց ՔՊ-ական մեր աղբյուրը:

Մեզ փոխանցեցին նաև, որ Փաշինյանի թիմակիցներն անհանգստացած են Հայաստանի ու Արցախի նախկին նախագահների և կաթողիկոսի հանդիպմամբ: Իշխանականներին առավել քան հուզել է հանգամանքը, որ այդ ձևաչափի հանդիպումը կարող է շարունակություն ունենալ: Դե իսկ նախկին երկու նախագահների՝ Լևոն Տեր-Պետրոսյանի ու Ռոբերտ Քոչարյանի՝ մեսիջաշատ հարցազրույցն ու ասուլիսը էլ ավելի է խառնել ՔՊ-ականների մտքերը, հույզերը:

Սևակ Վարդումյան




Լրահոս