Այսուհետ փոխվարչապետերի հրավերով Հայաստան ժամանած պատվիրակությունների այցերի հետ կապված ծախսերի ֆինանսավորումը ևս կիրականացվի պետական արարողակարգի ծառայության հաշվին և ներկայացրած հաշվետվության հիման վրա: ArmLur.am-ը տեղեկացավ, որ այդպիսի նախագիծ է ներկայացրել ՀՀ արտաքին գործերի նախարարությունը:
Ըստ այդմ, փոխվարչապետեր Տիգրան Խաչատրյանն ու Մհեր Գրիգորյանը ևս Հայաստան պատվիրակություններ հրավիրելու իրավունք կունենան:
Նոր փոփոխությամբ, «բարձրաստիճան պատվիրակությունների» հասկացության մեջ առաջարկվում է ներառել նաև Հայաստանի Հանրապետության փոխվարչապետերի հրավերով Հայաստանի Հանրապետություն ժամանող օտարերկրյա պետությունների փոխվարչապետերի գլխավորած պատվիրակությունները։ Նշվում է, թե այդ անհրաժեշտությունը պայմանավորված է շատ երկրներում՝ այդ թվում նաև Հայաստանի Հանրապետությունում, փոխվարչապետերի գործառութային և արարողակարգային ավելի մեծ դերակատարում ունենալու և այցերը պատշաճ մակարդակով և օպերատիվ կազմակերպելու հանգամանքով։
Հիշեցնենք, որ մինչև այս փոփոխությունը նման իրավունք ունեին ՀՀ վարչապետը, ՀՀ նախագահը և ԱԺ նախագահը։
Մանրամասները՝ տեսանյութում
Ն.Հ.
.gif)
