Եվրոպայում անվտանգության և համագործակցության կազմակերպության նոր նախագահ և Մալթայի արտաքին գործերի նախարար Յան Բորգը հանդիպել է Ուկրաինայի նախագահ Վլադիմիր Զելենսկիի հետ։ Այս մասին հայտնում է ԵԱՀԿ մամուլի ծառայությունը։
Հանդիպումը կայացել է Կիևում։ Ուկրաինայի մայրաքաղաք կատարած այցի ընթացքում Բորգը հանդիպել է նաև Ուկրաինայի արտգործնախարար Դմիտրի Կուլեբայի հետ։
ԵԱՀԿ ղեկավարը խոստացել է, որ կազմակերպությունը կշարունակի աջակցել Ուկրաինային։ Նրա խոսքով՝ Մալթան, իր նախագահության ողջ ընթացքում, հատուկ ուշադրություն կդարձնի հակամարտությունը որքան հնարավոր է շուտ դադարեցնելու անհրաժեշտությանը։
Բացի այդ, Բորգը նշել է, որ իր երկիրը կձգտի գործնական լուծումներ գտնել Ուկրաինային և նրա ժողովրդին օգնելու համար։
.gif)
