«Փաշինյանի ներքաղաքական նախագիծը» կամ «հանրաճանաչ քայլ»․ ինչպես են գնահատել ՀՀ-ում ԵՄ անդամակցության առաջին քայլն ու երկրի եվրոպական հեռանկարները։
Երևանում ԵՄ-ին անդամակցելու կառավարության որոշումը երկրում ոչ միանշանակ գնահատականներ է առաջացրել և Ռուսաստանի կտրուկ արձագանքը: Եվրաինտեգրման կողմնակիցները տոնում են հաջողությունը, սակայն քննադատները դա համարում են միայն իշխանության «քաղաքականապես շահավետ նախագիծ»։ Իսկ Ռուսաստանը, համեմատելով Հայաստանի այս քայլը «Տիտանիկի» տոմս գնելու հետ, նախազգուշացնում է տնտեսական լուրջ հետևանքների մասին՝ սննդի և էներգիայի գների աճից մինչև արտահանման 70-80% կրճատում:
«Փաշինյանի ժողովրդականությունը բնակչության շրջանում նվազում է և, ըստ տարբեր սոցհարցումների, տատանվում է 10-15 տոկոսի սահմաններում։ Այն իրավիճակում, երբ Ադրբեջանի հետ բանակցությունները հաջողություն չեն բերում, տնտեսությունն անկում է ապրում, Փաշինյանին պետք է գոնե ինչ-որ առաջընթաց ցույց տալ։ Ռուսաստանի հետ հարաբերությունները փչացած են, դրա համար ցույց են տալիս, որ Եվրոպայի հետ ամեն ինչ իդեալական է», – DW-ի հետ զրույցում ասել է «Հայաստան» ընդդիմադիր դաշինքի պատգամավոր Արթուր Խաչատրյանը։
«Մինչդեռ խորհրդարանում քաղաքական իրավիճակը բարենպաստ է օրինագծի ընդունման համար։ Փաշինյանի կուսակցությունն ունի սահմանադրական մեծամասնություն, որը թույլ է տալիս իրականացնել ցանկացած օրենսդրական նախաձեռնություն։ Փորձագետները միակարծիք են՝ օրինագիծը հաստատ հավանության կարժանանա։ ԵՄ-ին անդամակցության աջակցությունը բնակչության շրջանում «թեև տոտալ չէ, բայց միանգամայն բավարար է նման գործողություններ իրականացնելու համար», – կարծում է քաղաքագետ Հրանտ Միքայելյանը:
.gif)
