Բունդեսթագի (Գերմանիայի խորհրդարանի) Եվրոպական հարցերի հանձնաժողովի ղեկավար Անտոն Հոֆրեյթերը («կանաչներ»), Վլադիմիր Զելենսկիի՝ Սպիտակ տուն այցի ժամանակ սկանդալից հետո, հանդես է եկել պաշտպանական ծախսերը մեծացնելու Բունդեսթագի վաղաժամ որոշման օգտին և ասել, որ ԱՄՆ-ը՝ Դոնալդ Թրամփի հետ, այլևս Եվրոպայի դաշնակիցը չէ։
«Այժմ մեզ պետք է, որ Բունդեսթագը շատ արագ հայտարարի ֆինանսավորման արտակարգ իրավիճակ և զգալի ռեսուրսներ տրամադրի մեր անվտանգության համար»,-ասել է Հոֆրեյթերը RND-ին:
Միաժամանակ, նա պնդել է, որ Ուկրաինային օգնության մեծ փաթեթ է անհրաժեշտ։
«ԱՄՆ-ը այլևս Եվրոպայի դաշնակիցը չէ, դա պետք է պարզ լինի Գերմանիայում և Եվրոպայում Սպիտակ տան ֆարսից հետո»,- կարծում է քաղաքական գործիչը։
Իր հերթին, Գերմանիայի նախագահ Ֆրանկ-Վալտեր Շտայնմայերը քննադատել է ԱՄՆ նախագահ Դոնալդ Թրամփին։
.gif)
