Եվրոպական հանձնաժողովը հետաքննություն է սկսել X հարթակի և դրա Grok չաթբոտի դեմ։ Պատճառը այն է, որ Grok-ը թույլ է տվել ստեղծել և տարածել իրական մարդկանց, այդ թվում՝ կանանց ու անչափահասների, սեռական բնույթի կեղծ պատկերներ՝ առանց նրանց համաձայնության։
Հետաքննությունը պարզելու է՝ արդյոք X-ը բավարար քայլեր է արել այս վտանգավոր բովանդակությունը կանխելու համար։ Եթե խախտումներ հաստատվեն, ընկերությունը կարող է տուգանվել մինչև իր տարեկան եկամտի 6 տոկոսով։
Խնդիրը սրվել է այն բանից հետո, երբ Grok-ում ավելացվել է վճարովի «Spicy Mode» գործառույթը, որը թույլ էր տալիս ստեղծել անպարկեշտ պատկերներ։ Սա մեծ վրդովմունք է առաջացրել Եվրոպայում։
ԵՄ-ն կոշտ կերպով դատապարտել է այս գործառույթը՝ այն անվանելով անօրինական և անընդունելի։
Հանրային ճնշումից հետո X-ը սահմանափակել է Grok-ի հնարավորությունները, հեռացրել է անչափահասների սեռականացված պատկերները և արգելափակել դրանց ստեղծող օգտատերերին։ Ընկերությունը հայտնել է, որ համագործակցում է իրավապահների հետ։
.gif)
