Զախարովան հայտարարել է, որ ԵՄ-ն խաղաղության ձգտում չունի

Եվրոպական Միության պատրաստակամությունը՝ հանդես գալու որպես Կիևի «արտադրական թիկունք», վկայում է Բրյուսելի՝ խաղաղության հասնելու ցանկության բացակայության մասին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Նա (Եվրոպական հանձնաժողովի նախագահ Ուրսուլա ֆոն դեր Լայենը) չթաքցրեց իր հիացմունքն այն փաստով, որ Եվրոպան, ինչպես ինքն է ձևակերպել, դառնում է Ուկրաինայի զինված ուժերի համար արտադրական թիկունք՝ նշելով ԵՄ-ում «անվտանգ և հուսալի օբյեկտների» առկայությունը, որոնք, նրա խոսքով, «ունակ են ապահովելու ռազմական արտադրության ծավալների զգալի աճ»: Կարծում եմ՝ նրանց «խաղաղության ձգտումը» կրկին ակնհայտ դարձավ։ Իհարկե, «խաղաղության ձգտում» արտահայտությունը մենք չակերտների մեջ ենք առնում», – ասել է նա ճեպազրույցի ընթացքում։