Reuters-ը, հղում անելով ամերիկացի և արևմտյան պաշտոնյաներին, հաղորդել է, որ ուկրաինական բանակի կողմից օգտագործվող Starlink համակարգերի արագության սահմանափակման հրամանը տրվել է Սպիտակ տնից։
Հոկտեմբերի 14-ին առանց նախազգուշացման ներդրված սահմանափակումները, որոնցով արագությունը նվազեցվել է մինչև 160 կմ/ժ, խաթարել են ուկրաինական ռազմական գործողությունները, այդ թվում՝ հարվածային և որսորդական անօդաչու թռչող սարքերի աշխատանքը։ Ուկրաինայի պաշտպանության նախարարության աղբյուրի համաձայն՝ հոկտեմբերի 15-ին կապը վերականգնվել է, սակայն որոշ հատվածներում խնդիրները շարունակվել են։
SpaceX-ի ղեկավար Իլոն Մասկը հայտարարել է, որ Starshield ռազմական համակարգի սահմանափակումների վերաբերյալ որոշումները կայացնում են ԱՄՆ զինված ուժերը և, ի վերջո, նախագահը։ Միևնույն ժամանակ, Reuters-ի աղբյուրներից մեկի փոխանցմամբ՝ ամերիկացի բարձրաստիճան պաշտոնյան հերքել է, որ հրամանը տվել է Դոնալդ Թրամփը։
Սահմանափակումները հաջորդել են Վաշինգտոնի և Կիևի հարաբերությունների վատթարացմանը։ Թրամփի վարչակազմը ճնշում է գործադրում Ուկրաինայի վրա՝ ռուսական նավթավերամշակման գործարաններին հարվածները դադարեցնելու համար, իսկ ԱՄՆ-ի՝ ռուսական դիզելային վառելիքի արտահանման վերաբերյալ համաձայնագիրը քննադատության է արժանացել Կիևի կողմից։ Միաժամանակ Ռուսաստանը շարունակել է հարվածները Ուկրաինայի էներգետիկ ենթակառուցվածքներին։
.gif)
