Սեպտեմբեր 23, 2012

Կոտայքի մարզում ընտրությունները սկսվել է ըստ նախատեսված ժամանակացույցի և ընթանում է իր բնականոն հունով: Նշենք, որ Կոտայքի մարզ Աբովյան քաղաքում իր թեկնածությունն է առաջադրել գործող քաղաքապետ, ԲՀԿ-ական Կարապետ Գուլոյանը և անկուսակցական Արտաշես Մեհրաբյանը: Եղվարդում ՀՀԿ-ական Նորայր Սարգսյանը, իսկ Ծաղկաձորում “Ժառանգություն”-ից Հովիկ Հակոբյանը և ՀՀԿ-ական Արթուր Հարությունյանը:

Կոտայքի մարզի Արզական գյուղում այսօր գյուղապետի աթոռի համար թեժ ընտրապայքար է ընթանում ԲՀԿ-ի կողմից առաջադրված Արմեն Մելքոնյանի և ՀՀԿ-ական գործող գյուղապետ Նորիկ Մովսիսյանի միջև: Նորիկ Մովսիսյանը գյուղը ղեկավարում է արդեն 10 տարի: Նշենք, որ Արզական գյուղն ունի 2300 բնակիչ, որոնցից ընտրություններին մասնակցում են սովորաբար 1500-ը: 14-00-ի դրությամբ արդեն 800 մարդ մասնակցել է ընտրություններին:

Առավոտյան մեկնարկած ՏԻՄ ընտրություններից մի քանի ժամ է անցել, Գեղարքունիքի մարզի Վարդենիս քաղաքի քաղաքապետի ընտրություններին շուրջ 10 հազար 90 ընտրողից մասնակցել է 3000-ը: Այս մասին “Առաջին լրատվական”-ին տեղեկացրեց Վարդենիսի ՀՀԿ-ական քաղաքապետ, քաղաքապետի թեկնածու Վալոդյա Խլոյանը՝ խոսելով ընտրությունների ընթացքի շուրջ:  Ըստ նրա՝ դեռ իրավիճակը նորմալ է, ընտրախախտումներ չկան: “Պարզապես ԲՀԿ-ից խախտումներ են արել, կռիվներ են սարքել, …

“Թռչկան” քաղաքացիական նախաձեռնությունից armlur .am-ին հայտնեցին, որ Լոռու մարզի Մեծ Պարնի գյուղի հարակից տարածքում գտնվող բնապահպաններից ահազանգ են ստացել խոշոր հրդեհի մասին, որը սպառնում է նաեւ անտառածածկ տարածքների: Նշվում է, որ այդ մասին տեղեկացրել են ԱԻ նախարարությանն ու հրշեջներին,  բայց ընդամենը մեկ մեքենա է եկել, ինչը շատ քիչ է նման ծավալի հրդեհը մարելու համար: ԱԻՆ-ից …

Հայաստանի Հանրապետությունում այսօր անցկացվող տեղական ինքնակառավարման մարմինների ընտրությունների քվեարկության մասնակիցների թիվը ժամը 14.00-ի դրությամբ 186685 կամ 29.09% Է: Այս մասին տեղեկանում ենք ԿԸՀ տարածած հաղորդագրությունից։ Հիշեցնենք, որ այսօր Տեղական ինքնակառավարման ընտրություններ են անցկացվում ՀՀ հինգ մարզերում՝ Արագածոտնում, Գեղարքունիքում, Կոտայքում, Վայոց Ձորում և Տավուշում: Ընտրություններին մասնակցելու են 318 համայնքներ: ՀՀ Կենտրոնական ընտրական հանձնաժողովի տարածած հաղորդագրության համաձայն, …

Սեպտեմբերի 22-ին`ժամը 16.40-ին, Ճանապարհային ոստիկանության ծառայողները Դավիթաշենի կամրջի վրա կանխել են 28-ամյա Փառանձեմ Գ.-ի ինքնասպանության փորձը: Կինը ոստիկանությունում բացատրություն է տվել, որ փորձել է ինքնասպանություն գործել Դավիթաշենի կամրջից ցած նետվելու միջոցով: Հանգամանքները պարզվում են: Կատարվում է նախաքննություն:

Հայաստանում այսօր` սեպտեմբերի 23-ին ժամը 8.00-ին Արագածոտնի, Գեղարքունիքի, Կոտայքի, Վայոց Ձորի, Տավուշի մարզերի 318 համայնքներում մեկնարկած ՏԻՄ ընտրությունները ընթանում են առանց միջադեպերի: Այս մասին armlur .am-ին հայտնեցին Կենտրոնական ընտրական հանձնաժողովից եւ ՀՀ ոստիկանության լրատվական ծառայությունից: Նրանց փոխանցմամբ, մինչ այս պահը ընտրախախտումների վերաբերյալ դեռ ոչ մի ահազանգ կամ բողոք չեն ստացել:

Գեղարքունիքի մարզի Վարդենիս քաղաքի տիվ 23/5 տեղամասում տեղական ինքնակառավարման մարմինների ընտրություններն ընթանում են բնականոն ընթացքով: Այս տեղամասում ընդգրկված են 1648 ընտրող: Հիշեցնենք, որ  Քաղաքապետի աթոռի համար պայքարն ընթանալու է գործող քաղաքապետ, ՀՀԿ թեկնածու, ՀՀԿ Վարդենիսի տարածքային կառույցի ղեկավար Վոլոդյա Խլոյանի և ԲՀԿ Վարդենիսի տարածքային խորհրդի նախագահ, Վարդենիսի նյարդահոգեբուժական տուն-ինտերնատի փոխտնօրեն Աշոտ Մարտիրոսյանի միջև: 

Սեւան քաղաքից  armlur .am-ի թղթակիցը տեղեկացնում է , որ  թիվ 23/8 ընտրատեղամասում ընտրությանը մասնակցել են նաեւ պատճենահանված անձնագրով:Այս ընտրատեղամասում ընդգրկված է 1949 քաղաքացի: Հիշեցնենք, որ Սեւանի քաղաքապետի պաշտոնի համար առաջադրվել է մեկ թեկնածու՝ Սեւանի քաղխորհրդի նախկին նախագահ, Գեղարքունիքի նախկին մարզպետ, ՀՀԿ անդամ Ռուդիկ Ղուկասյանը:

Հայաստանի Հանրապետությունում այսօր անցկացվող տեղական ինքնակառավարման մարմինների ընտրությունների քվեարկության մասնակիցների թիվը ժամը 11.00-ի դրությամբ 79 737 կամ 12.43% Է:  Այս մասին armlur .am-ին հայտնեցին ԿԸՀ մամուլի ծառայությունից: